明天會更好

爸爸出左院喇﹗好野﹗

佢今朝同媽咪返左大陸喇﹗

因為大陸又有野要做，我地又唔想得返爸爸一個響屋企﹗

於是都係同媽咪一齊返去啦﹗

一個星期無見到Justin﹗

其實呢個月佢都會5點半搭車﹗我地搭9就會響天橋度等﹗

時間係完全勁夾﹗

不過上星期我返左大陸無機會﹗

以後都可以日日見喇，見一陣咁多啦﹗

佢尋日陪我食完野我就返學，佢就去探婆婆﹗

唔知係咪隔得耐無見，佢成日都講野勁lum、又攬攬、又錫錫﹗

唔洗驚，我無嬲你唔陪我﹗

我係覺得咁耐唔見有d辛苦﹗

上堂發現miss原來好似面包超人﹗個個都笑到肚痛﹗

俾哂exam tips 但係唔知夠唔夠時間溫呢???

星期五個essay要再俾心機喇﹗

放左學聽到Justin話婆婆好快可以出院﹗

開心到呀~~~

但原來係婆婆聽錯﹗不過唔緊要啦﹗一定好快好返﹗

Justin仲同我講婆婆問起佢女朋友 ( 即係我﹗)

婆婆睇完我d相之後話我個樣都幾乖﹗

Justin就話我都幾乖，不過有時唔聽話﹗

仲話得閒叫我陪婆婆飲茶，等婆婆教下我﹗

婆婆叫佢唔好咁快結婚，要有事業基礎﹗

Justin就話28 / 29歲wo~~~

明明記得Justin話過唔會咁快結婚﹗

係唔係因為我之前講過要30歲之前生仔????

雖然唔係咩承諾，但原來你係有聽我講野﹗有care過我就夠喇﹗

我開始左儲錢計劃喇﹗^ ^

開左個account已經係一個好開始﹗

好似有好多好野發生緊﹗

我信明天會更好﹗

亦希望Justin同Eugene會快d無事﹗

太覆雜的事小朋友唔會明白﹗