響Macau返左黎都成2日﹗
不過尋晚開始我就想嘔想嘔咁~~~
而Justin就.....
2個都開始有d燒﹗
到12點左右就真係嘔喇﹗
噴射飛航
好野﹗2個病到咁仲可以搞笑~~~
我今日本來要去見工﹗
最後都係無去﹗因為真係好暈﹗
但我都返左工﹗因為都係坐下、訓下﹗
而Justin就無返，岩岩睇左醫生﹗
醫生話係食錯野﹗
我地2個都一齊病咁應該關macau個trip事喇﹗
我放工都要去睇醫生喇﹗
仲要整下個功課﹗唔係就死定了﹗
2008年7月31日 星期四
俾Emily點中左要答問題
俾Emily點中左要答問題;
規則如下:
被點到名字的要把所有的問題像我一樣回答出來發一篇網誌在自己的網頁上。所有的問題都要答喔．寫一篇我這樣的日誌。答完後再點出另外10個人繼續回答～～～到這10個人的blog留言通知對方—— 被點名者不得拒絕回答問題...
1) 現在最討厭是什麼?
返工
2) 現在有沒有男/女朋友?
有呀~~Justin
3) 很久很久以後會遺忘現在的人嗎?
一定唔會，而家都記得細細個發生既事﹗
4) 如果有美好的東西, 你首先想留給誰呢?
有好野梗係留俾屋企人先啦﹗
5) 到目前為止, 有乜令你最難忘?
同Justin一齊既呢段日子
6) 如果能回到過去, 你會選擇那個階段? (如有原因)
唔返喇﹗我而家好快樂~~~
7) 喜歡一個人你會主動追求嗎?
會嫁﹗
8) 結婚後想生幾多個細路?
越多越好﹗好鍾意小朋友~~~
9) 你認為男女朋友分手後還可以真心做朋友嗎?
睇下情況啦﹗不過大部分都唔得﹗
10) 鐘意咩類型異性?
叻既~~~欣賞一個人既感覺好好﹗
2008年7月30日 星期三
2008年7月29日 星期二
Macau Day 3
差唔多9點先返到去威尼斯人﹗
Check in 已經令人Feel到間酒店係五星既~~~~
個staff好布耐性教我地點換package上面既coupon同埋點返房﹗
去過既人都會同意威尼斯人係好大好大既﹗
仲諗住去佢個swimming pool 睇下﹗點知已經close 左﹗
我地住 33008，一層已經有 122間房﹗成間酒店有3000間房﹗
入到房喇﹗
真係好大好靚呀~~~
右下角係廳(有一部電視) 中間係張床(前面又係有一部電視)
全景大到呀~~~
窗出面既景色~~好迷人呀~~~
有台、有書台、有大大張梳發~~~
個toilet都好正﹗
有浴缸又有企缸﹗有2個水龍頭 (可以一齊洗面lu~~~)
有化妝台﹗同埋好多好多鏡~~~
我地一邊食零食一邊睇景一邊睇電視~~~正
不過唔知點解反而訓得唔係太好﹗
佢個早餐好多野食﹗真係諗到都有﹗
呢間係暫時黎講我地最鍾意既酒店~~~
1點就要check out喇﹗
我地又響入面行下~~其實係想換貢多拉tkt~~~
行左好耐都搵唔到﹗真係太大喇﹗
好鍾意呢張相呀~~~
終於都坐左貢多拉喇﹗
不過影相好唔靚 (對面伯伯手震用閃光燈又太白﹗)
好唔開心呀~~~
唔緊要去真既威尼斯先再影靚既啦﹗
距離6點食buffet仲有一段時間所以我地就去漁人碼頭行下﹗
不過真係好熱﹗
Justin就同我去打左陣機﹗
原本BOOK左新埔京既自助山﹗
不過我對於威尼斯人實在感覺太好同埋有coupon買一送一
咁抵於是就試左佢果個Bamboo buffet
野食無自助山咁多同埋唔鍾意佢個長腳蟹係要自己整﹗
自助山係用叉就食到﹗同大好多﹗
我食半隻已經超過半個鐘﹗好彩有Justin整俾我食ja~~~
好滿足既3日2夜呀~~~
一星期食左6次自助餐﹗好強呀~~~
PS: 我地搭9黠船﹗點知行行下有舊垃圾塞住左個engine
搞到要返返澳門先﹗
最後要11點先返到香港﹗﹗
支力到爆喇﹗
2008年7月28日 星期一
珠海 Day 2
訓到9點左右又係時候起身食早餐喇~~~~
不過個早餐都係無咩野食﹗
check out左之後去左圓明新園附近食個飯﹗
好似食左好小野不過都有一半食唔哂﹗
唔好睇呢間野好似唔靚，不過d野食都ok ga wo~~~
響門口影返2張相先~~~~
右下角我地身後既係長城，個導遊過如果行到尾要一個鐘﹗
咁熱唔係行呀~~~
個導遊係我地用一人$20租車包既~~
覺唔覺得d相有d怪呢~~~
就係因為我大頭蝦明明尋日影左好多相﹗但都唔記得羅定後備電﹗
已經唔係第一次ga la~~~上次poon yu又係咁﹗
好彩天氣都好好﹗d相都ok~~~
不過又唔記得羅眼鏡同遮﹗唉~~都唔知帶去做咩﹗﹗
圓明新園同夢幻水城係珠海最出名既~~~
雖然佢唔係好大不過佢有好多表演﹗
仲有覽車上山頂﹗不過我地無坐呀~~
因為佢包上去唔包落黎﹗同埋我地睇左好多表演都無咩時間~~
最上3張: 香妃傳奇
中間3張: 皇帝選妃
下面3張: 公主選駙馬同埋編鐘樂舞
其實最精彩既應該係<<大清王朝>>同<<大清海戰>>
不過5點幾開始落大雨﹗果2個show係7:30同8:30先做﹗
我地見6點停左雨咪急急腳走lor~~~~
同埋好想快d去威尼斯check in~~~
不過返去之前當然要食d野先啦﹗
我介紹左之前食過既新口岸葡國餐廳俾Justin~~~
因為成日都行黎行去都無咩胃口﹗
Justin話個鴨飯好好味﹗
2008年7月27日 星期日
Macau Day 1
星期六10:10分上環上船去Macau
因為太多人響McDonals同美心，所以我地食左茶軒
生煎包、蘿白糕、火腿通、腸仔、面包、炒蛋、凍檸茶、凍華田就係我地既早餐喇﹗
我地個船飛要經過機場，所以total用左個半鐘先到金沙﹗
落船第一時間搭威尼斯巴士再轉搭的士去澳門運動場買車路士既飛﹗
好野﹗買到喇﹗
之後再行去附近既官也街食左魚翅湯面、葡tar、燕窩tar﹗
不過真係好熱呀~~~
唔知係咪空氣差﹗Justin勁流鼻水呀﹗鼻敏感真係慘~~~
我地有個 3:30既tea響旅遊塔食﹗
所以都係過去涼下冷氣好d~~~
其實好多人同我講過話個tea無野食﹗
不過我覺得都幾多款呀~~~
tea都唔應該好似dinner咁多野食啦﹗
加埋出面個景﹗點都抵返啦﹗好靚呀~~~
不過係時間短左d~~~得9個字﹗有d人4點先黎到﹗即係得返3個字食﹗
食野響60樓﹗但要參觀就要先落地下再搭lift去58或61樓﹗
太快上落始終隻耳仔都會有d唔舒服~~~
同埋我係好怕高ga~~~右上角果張相其實我係驚到死﹗
行近小小都會腳遠﹗
我地參觀緊既時候有人跳落黎﹗我真係望住佢都怕怕呀~~~
望出出面真係好靚~~~
仲望到珠海ga﹗
由2點一直玩到5點幾﹗之後就過去新埔京book buffet
(其實係諗住搭下車，同埋諗唔到去邊先咁做﹗)
再由新埔京去返官也街食左個大菜糕同埋飲左d氣水﹗
就過去睇波lu~~~~
Justin好開心呀~~~雖然唔係好近﹗
但遠遠望住偶像既興奮心情我好明白~~~
睇足全場90分鐘﹗﹗
其實之前學左車路士既球員真係好好多﹗
at least 仲認到林柏特同泰利﹗
8:0 真係幾精彩~~~ 施治真係悶死喇﹗
不過我想更加認識多d佢地每一個人既踢波特點﹗
遲d要更加努力﹗﹗
睇完都差唔多10點lu~~~
搵唔到的士，最後都係要搭巴士﹗﹗
去到珠海酒店都差唔多12點﹗真係好支力同好熱﹗
只係買左個KFC既雞同包返酒店食~~~
點知去到仲未有房﹗仲要等﹗
仲要沖涼關唔到水喉要叫人黎整﹗
仲要突然全房停左電﹗
唉~~~真係好煩﹗下次都係唔好再住呢間喇﹗
成日都搞到我好似惡婆咁要發脾氣~~~
不過佢張床真係好大好正﹗
2008年7月26日 星期六
Farewell Eugene
上星期五放左工同Justin約左Eugene去唱K﹗
因為佢星期一就會過Macau做野做一年﹗
不過一個月應該都會返1-2次﹗
$125 + $25 (buffet)
不過佢2個成日都掛住打機﹗
都無咩食野同埋唱歌﹗
八點唱到十點倒~~~
覺得好唔抵呀~~~
2008年7月25日 星期五
愛的紋身
食buffet果日咁岩睇到呢一段新聞
其實都唔係新聞ga la~~~
濱崎步同長瀨智也一齊左七年之後分左手，佢將原本既半個心紋身變成一個﹗
其實我覺得佢地2個好襯﹗7年亦都唔係一段短既時間~~~
睇到呢張相心入面有一種特別既感覺﹗
係覺得好甜??係覺得好傻定係覺得好可惜呢????
係咪當2個人一齊既時候都會想用某一些東西去紀錄住???
但往往就係呢d紀錄會帶俾人無限既傷痛~~~
曾經2個人係如此的要好﹗
到底係咩令到佢地2個分開呢???
不過應該每個人分手既原因都有不同﹗
有好多人都話紋身係一件好蠢既事﹗
因為無人會保證可以一生一世﹗
不過無論點，我相信佢地2個都曾經快樂過﹗
哈哈﹗放心我無諗過要紋身﹗
係覺得2個人係咪要留d野俾對方呢??
原來以前真係曾經有一個女仔為左Justin去紋身﹗
但好快佢地就無一齊lu~~~
到底果個女仔而家有無後悔之前咁傻呢???
不過愛一個人就係會做出d出人意表既野~~~
我相信佢當時一定好愛Justin﹗
我唔紋唔代表我唔愛佢﹗係用另一個形式去愛﹗
我會用我既紋身槍去紋一個好靚既紋身響Justin個心度﹗
傻瓜
PS: 尋日岩岩做左第15次既Facial~~~
今次換左第2個女仔﹗
比之前好左d，不過都仲係有d痛~~~
面面快d好返﹗
訂閱：
文章 (Atom)