Justin的黑仔日 + 在謀人寺被人謀了

星期日原本Justin留左響屋企溫習﹗

之後爸爸叫佢幫手整理下花園~~~

咁佢就幫手啦﹗

點知俾d污泥彈到成面都係﹗

咁佢就洗乾淨之後就再溫啦﹗

點知放隻CD 落個 D Drive度﹗

做做下個test一半隻碟自己彈出黎﹗

再放返落去就read唔到喇﹗

之後再試下第2本notebook終於都read到喇﹗

點知過左一陣就連機都燒埋﹗

仲有一陣燶味~~~嚇死佢﹗

咁再試下用第3部電腦~~~

點知連機都開唔到﹗

到夜晚佢刷牙訓覺~~~

刷完感覺有d奇怪﹗

原來係之前補左牙果粒野luc左﹗

What a bad day~~~~黑仔到呀~~~

之後星期一放左工就去睇牙醫啦﹗

點知去左一間謀人寺﹗

打左成個灣仔既牙醫好多間都full哂﹗得果幾間有位﹗

於是我地揀左一間響光華大廈9樓陳仲文牙科醫生

響HSBC樓上﹗

去之前打左個電話去問大概 $300

上到去叫我地俾 $50診金﹗

(其實都覺得幾怪因為咩都未睇已經要俾錢﹗)

之後Justin入左去一陣出黎又話要俾 $260

我心諗 $310都合理呀~~~

點知果 $260係俾X光錢﹗

隔左一陣又入去，隔一陣又出黎﹗

又話要俾$750

頂﹗真係開始有D嬲﹗

明明打電話去問過補門牙幾錢﹗

而家又獅子開大口﹗仲要話我地無講清楚咩位置~~~

最後我地俾哂錢佢就話星期三先可以整﹗

仲要話佢果個位好易再luc~~~

整完再luc就唔理﹗

點解可以咁搞笑既﹗

激死我喇﹗