令我唔開心到喊既Facial

上一次去呢間鋪做Facial 已經係4月既事﹗

不過我5月頭有去modern beauty

5月尾就去過必瘦站﹗

所以都唔可以叫好耐都無做facial~~

我已經響整之前同佢講我唔想整到塊面花哂﹗

因為d印好耐都唔散﹗

佢就叫我唔好曬太陽，如果唔係d 印會變斑﹗

咁佢明知我唔鍾意，但佢都仲係同之前一樣﹗

都係果句 “ 唔清唔好ga~~”

其實差唔多一年，但我唔覺得自己d皮膚好左好多﹗

仲要有好多印，都唔知幾時先會好返﹗

其實我一定會轉第2間﹗

(其一係呢間太貴，其二佢地唔聽我講，其三成日都sale呢樣果樣)

整到我塊面好痛，又哂流血﹗

咁佢就叫我買一次超聲波消炎可以快d好返﹗

一次$180﹗算﹗俾你﹗

完左之後叫我一次過買6次﹗一千蚊﹗

佢仲幫我搽左隻佢地新既粉底﹗

我岩岩先響佢地度買左新既﹗而家又話呢隻更正﹗

咁你唔係以為我會又買呀????

我諗住整左超聲波應該會無咁紅同好d﹗

點知返屋企之後洗完面見到腫左﹗

又紅又腫好唔開心﹗

忍唔住喊喇﹗唔明點解人做facial我做facial，我會整到傷哂﹗

其實而家諗返佢幫我洗面、peeling、精華按摩、針清、fu mask﹗

一次    $4xx 都真係幾貴﹗

我去做埋機都係$2xx~~

D mask 同精華可能好靚啦﹗但我覺得好唔值﹗

我諗好左喇，而家2星期去一次﹗完左就唔再join喇﹗

去得咁密應該唔會整到我好傷啦﹗

一百蚊一次都唔再join~~~

有Justin錫返已經好d喇﹗

今日係Justin第一日正式返工﹗

(之前一個月都係training)

希望佢工作順順利利啦﹗