公主王子

睇公主個blog已經有一段日子喇﹗

一直都覺得佢同王子既故事好感人﹗

2個女仔既愛的故事一定面對比1男1女更大既困難﹗

但仍然可以維繫到7年咁耐﹗

當中一定有好多地方值得我地去學習、欣賞~~~

可能就係呢一份好奇心令我每一日都會去睇一睇公主個blog~~

尋日我終於鼓起勇氣add左公主個msn﹗

其實都幾緊張ga~~

第一次咁主動去認識一個人﹗

原來公主都很好奇點解我會睇佢個blog﹗

可能男女同女女既愛有小小唔同﹗

不過我覺得大家既相處都應該差唔多﹗

而且每次睇到公主點體諒王子、王子點對公主好﹗

我都會好感動~~~

我成日都好希望可以學到好似公主咁識得體諒人﹗

每一次同Justin有問題發生﹗好失落既時候﹗

我就會諗: “公主佢地咁困難都可以7年，而家咁小事係咪就要輕易放棄??”

我都要好似公主王子咁同Justin好好咁愛下去﹗

公主問我佢會唔會鼓吹左同性戀會唔會令其他人對同性戀有太好憧憬~~

但我又唔覺得﹗

因為其實我當王子係男仔ga ma~~

同埋愛一個人係無分男定女﹗

我同公主仲傾左好多野﹗

我真係好開心﹗

公主仲要記得我同Justin﹗

王子同Justin一樣有好多女仔朋友

Justin仲同以前d女朋友keep住朋友關係﹗

其實我都有d驚ga~~~

始終唔知邊一日會有邊一個人會鍾意佢﹗

不過我當然知唔驚得咁多﹗

同埋唔相信對方對自己對佢都唔係一件好事﹗

公主叫我放鬆d~~最緊要包容、體諒同溝通~~

不過我諗我要改善下d溝通技巧先﹗

因為成日未開始溝通就已經激嬲Justin~~

又搞到自己喊哂﹗認真失敗﹗

可能要學下單刀直入喇﹗

希望公主同王子一直都開開心心咁一齊﹗

PS: 我第一次見到公主既盧山真面目﹗

(同我幻想中既差唔多，不過更斯文﹗)