東京迪士尼 2

又係同城堡合照~~~

2點半喇﹗見小小世界無人排又玩左﹗

其實真係同之前d game好似都係坐船仔~~~

不過我覺得都幾得意~~~

響城堡下面經過就會到另一邊~~~

Tomorrow Land

真係日同夜都好靚~~~

3點半先食野，已經好肚餓喇~~~

食左個Pizza Set有一塊Pizza、一杯飲品仲有幾粒Puff﹗

其實我覺得個頭飾唔係好襯，不過覺得呢個最靚~~~

如果張相係原本隻色就會睇到我右下角個鼻紅哂...(排隊玩巴斯光年﹗)

左下 :食完野排隊玩SpaceMountain，仲勁排左個半鐘~~~

響香港都玩過呢個Game (不過我係去左3次先玩過1次﹗)

我係好怕玩過山車，好辛苦﹗最怕響好高跌落黎，SapceMountain仲要唔知幾時落，我仲更加驚，咁我一辛苦就要大聲叫，點知玩緊既時候Justin叫我唔好叫，佢聾喇﹗(我都知我叫得好大聲，但我唔叫又會好辛苦~~~)

玩完就忍唔住喊喇﹗(我想叫又唔敢叫，好辛苦﹗)

佢猛問我做咩喊，點解喊，但我真係講唔到﹗

佢同我講佢好憎同我去Theme Park因為同住我一齊咩都唔玩得，一個人玩又無意思~~佢已經陪我玩左好多個低B game~~但我都已經盡左力，我努力叫自己唔好驚，但我真係做唔到﹗所以如果下次一齊去旅行都係唔去Theme Park喇﹗其實去poon yu同韓國都發生過類似事件~~~所以就算我地有火山果個game既Fast Pass我地都無玩到﹗我唔想Justin失望，但我又做唔到﹗算啦﹗2個人點都會有d野係唔夾ga la~~~都無辦法﹗

我連呢d咁渣既game都驚，如果去到其他真係唔敢想像~~~我真係驚自己會死﹗

第6個Game巴斯光年﹗同香港一樣﹗原本以為自己玩過咁多次一定會贏，點知同Justin同分﹗

第7個Game Micro Adventure 即係3D，都係香港果個靚d~~~

夜晚真係好靚~~~

大家留意下中間果張相呀，好多鋪d貨架都空左ga~~因為真係超多人買一大袋手信﹗

我地去到一個玩mini game既地方﹗好低B﹗

試手力、比賽單車、踢足球...總之就好低b﹗

仲有紀念金幣，我扭左3個~~~

仲有Night Parade......都係好靚~~

其實我真係唔明點解明明係星期3都可以咁多人...

睇埋煙花，我拍左video所以無相﹗

有心形，真係好得意~~~~不過得3分鐘就小左d~~~

差唔多9點就走喇﹗因為仲要去都廳睇下東京夜景~~~

舞濱返新宿之後再搭JR去都廳前站﹗

10:30就唔俾人入，我地10:20分先上到去﹗真係好險﹗

其實我地搵唔到個入口，好彩日本人真係好好，佢地幫我地打電話問﹗雖然最後都係問返d 實Q，不過真係真心覺得佢地好好人﹗

真係好靚ga~~~~靚到唔識點形容~~~

11點先返到新宿食野，Justin話食冷面，於是就去左酒店附近既思之橫丁﹗

其實我都唔知點叫，亂點一番﹗所以唔好問我食左果個係咩﹗

好彩都好好味~~~

我個面係熱既，個溫泉蛋太生，有個湯熱一熱就岩喇﹗

不過食食下佢放左d湯響我前面，我見d人食哂之後會倒落個碗度，哈哈，可惜我都食唔哂，所以無理到﹗

我記得個我個面好似 400Yen左右﹗好抵~~~

Justin話要將呢幾日買既野影一張大合照﹗

響Disney買左個唐老鴨糖、Minnie頭飾、一大包脆脆....

人真係好易受其他人影響，本身我都無諗過買野之後見咁多人買，我又忍唔住都買返d....

雖然係有d唔開心，不過唔緊要啦﹗都過左去﹗