愛上蒸魚

其實我發現自己對於煮野食都有D 興趣，一有機會我都會主動話想煮~~

是日姐姐放假，J 話想做Gym，我就提議我買送煮好等佢返黎﹗

一放工就去買，不過買完搭車真係好難，果個位好難有位上車，成日都要等半個鐘以上，不過直達屋企只係得一架車，好無奈~~

發完 " 勞蘇" ，講下今晚食咩送先，我再一次挑戰蒸魚，因為驚腥我一定買仲係跳緊既﹗

之後想再試下無花果湯，今次加左好多水，同埋煲得夠火喉，所以味道都幾好~~

不過可能個火太大，D 水都係得返2-3碗﹗

又講返條魚，我而家真係跟足程序 & 等到佢乾物先蒸，好似真係有改善~~~

不過火喉都係仲未掌握到，上次Over Cook 我今次5分鐘開始睇一睇，不過唔知係咪因為咁好似好耐都未熟.........@@

Anyway 最緊要老公覺得好味﹗

一魚一菜一湯，簡單的家常便飯~~~

祈福新村食街之後按摩

黎到假期既最後一日，我地訓到10點左右先起身，因為4點半車，無咩特別地方想去﹗

我地第一站就先去醫肚，都係去返祈福食街，叫左炸鮮奶、蒸左帶子 & 鮑魚，鮑魚唔抵，$18 隻，好細~~~

餐廳仲送左豆腐花~~~

好滿足呀﹗

食飽之後我地去左行超市，不過其實我地無野想買，只係想行陣，之後去按摩﹗

因為唔想再SAI 錢搭車，於是揀左Club House 入面既盲人按摩~~

好搞笑黎既都唔係盲人，有人仲玩手機

一個鐘俾Cash 9折，即係一個人 RMB 72，佢最好係唔迫你俾小費，明碼實價﹗

做完之後其實都係3點未到，我地返返度假屋羅返D 行李之後就去Cafe 坐左陣，飲左杯野~~

準時4:30 開始，直達上環，都係4個鐘，快過去程好多呀~~

總括黎講呢個TRIP 都好開心，J 朋友又見慣見熟，期待下次我地既名古屋、京阪之旅~~~

長隆水上樂園

第2朝我地10:30 就出左門口喇，又係Call 李生，到我地住既康怡車我地，因為入左祈福入面所以要加多 RMB10，Total RMB 70~~

咁樣真係好方便呀﹗

我地買左幾個面包上車食完就到喇，今日好好天，所以亦好多人~~

門券一早響香港買左，去到售票處隔離有2部機，只要入返個Booking No. & 電話就會出飛，好方便呀﹗

一入到去， 大家已經急不及待要濕身.....

所以第一時間去左大浪池，D 水有D 凍，不過我地都玩左成個鐘，雖然人好多，不過感覺真係好熱鬧﹗

佢仲時不時有人唱歌，仲請左D 歌手黎，我見其他人好Hyper ，我地幾個就先成一角~~~

第2次黎我感覺長隆有小小唔同左，佢想走外國路線，表演既人都係外國人多﹗

左上角張相就係個大浪池擁擠既情況~~

終於都開始排滑道喇，我唯一條件係要同一班人一齊，自己果D 我就唔玩~~

第一個玩左大滑板，不過排既人好多，都成半個鐘，門口個工作人員唔俾我同思雅著住衫上去，因為我地係棉料，講真都有小小尷尬

玩完我地再玩埋隔離果個合家歡，合定歡就好快，排左10分鐘，不過唔係講笑，合家歡雖然只係3個級，但離心水唔比大滑板差﹗

玩完2個之後已經差不多2點，係時候食晏﹗

因為我地精打細算既麥生帶唔夠錢，所以叫左唔係好多野食，6個人Share 2個飯，3條栗米、2條腸仔，魚蛋 & 餃子~~

我一個人好似都食左一半

食飽飽我想自己行陣，J, 肥仔 & Polly 就繼續挑戰噴射滑道，Eugene 同思雅就2個人繼續大浪池~~~

估唔到佢地一排就係個半鐘............@@

不過好彩佢地話好好玩，真係好刺激，好似成個人飛起~~

見時間都唔係好多，我地見大喇叭要排成個鐘，於是就過左去新開既熱浪谷，其實果邊有2條滑道，1條巨洪峽，我地先玩左唔洗排既巨洪峽~~

真係好搞笑，我地先要著救生衣之後套落去水泡度，順流而飄，佢有D 位會排洪，堅大浪，有D 位就有D 急流，我地大大話話飄左半個鐘，最勁係好多人，你見到成個水面都係粉紅色圈圈，好正﹗

之後玩左巨蟒，呢個真係完全唔驚，我地見無咩人排仲玩左2次，加加埋埋都係10幾分鐘﹗

最後排埋巨獸碗，呢個因為4個人一組，我地入面Eugene 同肥仔都肥，所以就叫左Polly 同佢地一組，我同思雅就同另外2個人夾~~

上到去思雅話好驚，好想就咁行返落去，搞到我都好驚呀...........

最後玩完發現其實都唔驚

其實我已經到左極限，加上個人好支力，所以我同思雅去沖涼先，佢地就去玩埋大喇叭，估唔到我地沖身咁短時間，佢地已經玩左2轉，佢地話5分鐘玩左2轉............@@

所以真係一到5-6點左右就無咁多人，如果唔係怕水凍，黎夜場就會好好多喇~~~

因為我想轉下口味，所以叫左李生介紹第2D 餐廳，呢程好短，RMB 50，肥仔以前黎過食，位於碧桂園附近既燒鵝妹﹗

佢D 送好平呀，我地叫左2個燒鵝下莊，1條魚、1個菜、一碟包、一個虎皮椒﹗

雖然虎皮椒有點辣，不過味道好好，魚就真係好鮮，燒鵝就唔可以話真係好好食，可能期望太大~~

返到去，好支力，大家都沖完涼就乖乖地訓喇﹗

長隆歡樂世界

轉下眼已經成3-4年無去長隆玩喇，今次係同老公 & 佢既朋友，一行6人出發﹗

先要多謝蘇菲媽咪幫我地訂左8折車飛 ( 原價 $110，折左 $88 一程)，仲送左2張Free 既來回車飛俾我地，真係慳左唔小﹗

今次我地無Book 酒店，反而去左祈福新村租樓住，因為別墅Full 左，所以要住呢D 樓高五層，一梯2伙既四房單位~~

最嬲係佢同我老公講話呢邊2-3年樓，去到成10年，雖然唔係好殘，不過感覺上被騙﹗

我地9:00 食完早餐上車，差不多1:30 先上到去

中介人(Laughing Gor) 就幫我地羅匙同帶我地上去，今次我地住 康怡2街15座﹗

上到去諗住放低野就去食飯，點知我地Lock 左門之後想開返黎Double Check 時，原來有其中2度門係無匙~~

之後又要叫人黎開鎖，就係咁，我地要等到成3:30

Laughing Gor仲想叫我地俾開鎖錢，我地當然唔肯啦，最後佢俾左，唔知最後佢有無問業主羅返，其實真係應該業主俾，因為佢咩都無貼出黎提人﹗

順手鎖門好正常呀，終於搞掂之後Laughing Gor 就車左我地出去祈福食街﹗

我地去到3:45，好多鋪都午休 (我地感覺真係好黑仔呀﹗)

是但揀左一間黎食，丹哥，味道麻麻，連飯都無，我地叫左2個面，一個雞，一個豆腐、一個蜆，6個人食左 RMB 190~~

抵係幾抵，不過唔會再黎呢間度食~~~

祈福食街，其實都幾多海鮮，價錢唔係特別貴，佢位於祈福酒店隔離，不過我地如果由康怡出黎就一定要搭車 (5-10 mins)﹗

終於食飽，我地一行人分2部的士去長隆，Polly 佢地搭左 RMB 20，我地搭左 RMB 29~~

最爆笑係，我地司機開開上同我地講要去中石化度買野飲......

最最爆係佢買左支俾肥仔，又話補腎，好有效，勁過紅牛

支野叫 " 啟勁"，真係好爆

我地5:20 到左，岩岩好買夜場飛，原價 RMB 250，5點後 RMB 120，6個人都係 RMB 720﹗

我自己就好鍾意夜場，其實我地一路搭車上黎都落好大雨，我地食飯，入園就無雨喇，好感恩~~

其實入面都唔算開左好多新野，我地先行左一圈，Eugene 同我老公見到個超級大擺錘，就即刻走左去玩~~~

其餘4人睇住佢地玩.........XD

之後我地又去左掉公仔.........@@

同埋睇左4D 影院，ICE AGE，因為真係同戲一樣，不過Cut左，大約20分鐘，又風吹、又震椅、又飄雪、又泡泡，所以都幾好，不過入面就要注意，因為我見到小強﹗

見差不多七點，我地就去左睇Show，我記得Universal Studio 都有個類似既~~

應該係抄人地，不過又真係幾好睇，演出既都係外國人，不過佩左國語，又飛單車、又雨中飛車、好多不同種類交通工具，又煙花、又爆破，又開槍，又跳水﹗

總之就係好精彩~~~

之後我地就開始濕身之旅喇，呢個其實好雞，得一下衝力，不過佢反彈D 水就好勁，我地都濕左小小，因為入左夜都有落過雨﹗

成個樂園好小人呀，我地連續玩左2次..........

仲玩左飄流，咖啡杯，碰碰車

直落到9:30~~

因為唔想再分開搭車，所以我地Call 左架6人Van (RMB 60，貴小小，不過齊上齊落，之後果日我地都Call 車)，直返祈福超市，補左3大食零食 & 水，就又去祈福食街食野~~~

呢間Justin 食過，味道真係好過晏晝果間好多，6個人叫左8個送，雞有雞味，海鮮都好新鮮，不過係油左小小~~~

返到房，我地沖埋涼之後一班人玩到差不多4點先訓

第2朝 9點又起身玩喇，真係好支力，但又好開心﹗

再嚐怡東的度小月

老公生日過左淘寶個氣球先到香港，哈﹗

其實我都係志在試下屋企罐氫氣仲有無氣，答案係個波仲飛到，我真係好無聊呀~~~

8月我地會食3次自助餐，真係聽到都已經覺得滯............@@

不過其實次次我老公都係Free，之前食左一次怡東Dinner Buffet，今次就食Lunch~~

都係果句食物無咩變化，原來繼續度小月，List 上都唔係樣樣都有~~

度小月Corner 之一，我覺得個蕃茄好味，其他每樣試一啖~~~

甜品就有呢D 度小月特色甜品，味道反而一般﹗

黎緊會去3日長隆玩，希望D 肥肉唔好嚇死人啦.............XD

日本交通的煩惱

其實我真係好怕日本D 車，真係好複雜，好難搭

又私營，又民營，又ABCD 咁多條不同鐵路，去同一個地方可能有18個去法.........

所以今次我第一時間Search 既唔係酒店，而係交通﹗

因為老公真係好想同大阪同奈良，所以我要知道有邊幾個方法去，最快、最平~~

之後搵搵下就發現左呢個近鐵5日Pass，呢個Pass 真係好正﹗

佢包左機場來回名古屋站，我地當晚落左機就咁換張飛就得喇

由機場去名古屋站只係JPY850 ，來回已經要 JPY 1700﹗

除左5日內無限搭近鐵之外，佢仲送3張特急車票，我地會用黎去大阪，之後由大阪去奈良，京都返名古屋~~~

唔知咁用法係咪最抵，不過應該遠路同特急唔會錯﹗

一張由名古屋到大阪車票已經 JPY 4150，所以呢個Pass 真係好抵玩﹗

因為上次既經驗，我知道對於我地2個黎講轉車係一個好大考驗，唔知有無人知近鐵特急係點轉既呢!!??

雖然Website 有介紹，不過唔係好睇得明，又搵唔到時間表 (我睇 中文版﹗)

希望快D 搵到答案啦

下一部應該要搵下大阪想去邊，再計劃下買唔買Kansai Thur Pass~~~

續 2人邊爐

唔知點解我真係幾鍾意無LALA 打邊爐，而難得老公肯同我一齊癲~~~

今次個湯底好特別，我地用左3包即沖面鼓醬，加多一個3文魚頭 = 3文魚頭湯底﹗

其實步驟同煲湯一樣，先用煲煎香個頭，(因為無睇火，煎濃左小小....@@!!)

之後加份面鼓水，煲佢大約半個鐘，呢個湯底真係好掂，好味﹗

又好抵，吉之島一半個頭唔洗 $20~~

估唔到個湯出到黎係咁入味，黑色一塊塊係紫菜~~~



2個人其實都食唔到幾多野，買左小小肥牛、豬似片、邊爐3寶(菇、菜、丸)

原本想買D 海鮮，不過街市既都唔新鮮，最後買左小小蜆~~~

有時開心其實就係有一個人同你一齊傻.........XD

激戰

已經唔知幾多年無睇到咁緊張刺激既港產片~~

套戲雖然成2個鐘，不過你完全唔覺自己坐左咁耐﹗

成套片可以用流暢黎形容﹗

家輝BB 同彭于晏 2隻野真係操得好勁~~

Training 過程充滿左血淚~~

睇到佢地付出既努力，真係令人好投入﹗

到佢地第一次羅到台主，果份喜悅，我地都由心笑左出黎﹗

雖然唔知道MMA真正既打法，不過見到彭于晏被人打.......

真心感覺到痛~~

成套戲都好認真﹗

充滿男人味既一套戲入面，亦有唔小親情~~

真係好感人..........

當中亦有唔小笑位﹗

暑假真係好多好戲呀，推推推~~~

Vendor Review - 佈置 JNC

佈置第一件事要睇當然係個Backdrop 啦﹗

當晚個效果係咁，其實都幾靚~~~

不過如果有白布遮一遮後面D 柱位就仲更加正﹗

通花、Logo、水晶燈 各樣野我都滿意~~

個台佢仲幫我鋪大左白色地毯，好彩有要大台，唔係某D 朋友會企唔哂~~

另一隸就係Reception 喇，呢個Corner 整得好靚，同我個C&J 好襯~~~

相簿台即係酒店個鋼琴，其實就咁簡簡單單已經好靚~~~

其實我地AH 相簿好大本~~

希臘女神果2本就真係好細............XD

J 好鍾意呢D 白色油燈~~

同鳥籠~~

Candy Corner 雖然 D 糖有D HEA，不過就咁遠望都唔係好差~~

後面3個波波自己訂自淘寶~~

其實好彩攝影師有幫我影低，唔係真係一張相都無~~~

我買左好多糖，J 仲好擔心完左之後我地2個食到注牙都未食完~~~

點知當晚好受歡迎，好快就俾人羅清光

佢地連D 袋都唔放過...........

蛋糕台

證婚台都係佈置公司搞，煩小好多野﹗

又唔洗叫D 兄弟幫手，當日大家都做小好多野~~~

呢盤花係酒店送既，側邊果D 係絲花，係我地一星期前同佈置公司講，佢送既~~

所以Overall 我覺得JNC 係唔錯，唔會逐樣野同你計，都幾用心，推介~~~