今次係第一次我同Justin去圓方...
我地2個之前都未黎過﹗平時最多係搭970X會經過~~
第一個感覺好高級~~~有小小似又一城﹗
未去之前我地2個響旺角食左板前﹗
下星期都去日本啦﹗仲猛食日本野﹗
講下今次試左既新野啦﹗
蝦卷...可能我地放得太耐....d蝦軟哂﹗
三文魚子，食一粒你會覺得佢地好難咬爆，不過成件又好似好有三文魚子味~~
下面: 板前蝦 講過
上面: 響螺 質感好得意，係脆ga~~鍾意﹗
櫻花yao魚 都係無wasabi yao 魚好味~~~
自拍下先﹗好光猛呀~~~
有好多朱古力形既擺設~~~
溜冰場﹗
我話係"登" 要黎俾人坐﹗Justin就話係裝飾~~~
裝修好靚~~~
咁多人要問服務台就知呢度唔係好細啦﹗
最後我地上左一個平台係好多間餐廳黎gei~~~
上面全部都係豪宅，我地仲話遲d要買返間~~~~
可惜佢距離我地太遠喇﹗唔係都會多d黎gei~~~
呢套戲上晝已經好想好想睇﹗
但因為想去Element睇3D，一等就2個星期先有機會﹗
九龍站真係要特登去買飛﹗又要特登搵一日去睇﹗
首先要唔該幫我地買飛既阿俊~~~
睇完之後好想講 "好開心，又睇到一套好戲喇﹗
"
個半鐘﹗雖然開頭係有d無聊3D﹗但之後就係勁緊張刺激既地心探險﹗
我鍾意坐礦車呢一幕~~~好精彩﹗
仲有揚帆出海﹗雖然明知係電腦特技但實在太正喇﹗
小男主角一個人的磁石場﹗我覺得整得好靚﹗
其實套戲就算無3D都係一套搞笑、精彩既戲﹗
2個無聊人....
好似要潛水咁呀~~~
不能不提The Grand Cinema入面每一個坐位下面都有一個會震震既揚聲器﹗
雖然無我以為響動感影院果種上上落落法﹗
不過都正ga~~~~
d位又大﹗
um~~~咁多好野﹗加埋就要$110 一張飛lu~~~
$110 我有可能睇到3套戲﹗><
一次半次都可以既~~~同埋都係Justin俾錢jei~~~
上一次去Discovery Bay食完飯換船飛既時候有個抽獎﹗
大大獎係: 雙人來回曼谷機票連3日2夜酒店總統套房
價值: 三萬幾
大獎: 雙人來回曼谷機票連3日2夜酒店房
價值: 一萬
細獎: D Deck一百美食卷
我地既中獎號碼係: 13442
大大獎同大獎真係好吸引呀~~~
可惜中唔到﹗
雖然有一百蚊不過搭車又搭船，又用上一日既時間﹗
Justin話都係唔去換喇﹗
雖然我覺得難得我地中到獎，當係彩頭都好呀~~~
不過都係留返d錢去日本算喇﹗
唉~~~點先可以多錢d????
可唔可以一返黎就有工返呀~~
點解我會咁窮gei????
不過用左萬幾蚊之後仲點會有錢呀~~~
好煩﹗﹗
我只想開開心心去旅行~~~
放左工好趕咁去左apm睇戲﹗
一睇戲名會以為係低B戲﹗
不過蘇菲話好睇﹗
睇完之後我可以話呢套戲係集大製作、笑中有淚、科幻、愛情、親情於一身﹗
我最鍾意有2部分﹗
1. 男主角同機械女友返左去自己細個﹗
見返以前既人事，真係會有好多回憶~~~
其實我都唔係好記得細細個自己係點喇﹗
同婆婆一齊既日子，真係睇到我忍唔住喊﹗
人真係要好好珍惜，過左去就無嫁喇，只可能響記憶入面回味﹗
2. 最愛佢加插一個同機械女友一樣樣既女仔﹗
開始時覺得有點煩，因為又重播返開始時既果段﹗
然後才知道開始時係由男仔角度，結尾用女仔角度
我覺得點解佢要有一個真女仔出現﹗
就係想表達原來機械人女朋友係真係鍾意個男主角﹗
愛一個人可能就係咩都為佢，幫佢諗先﹗
機械人女友真係完全做到，但可能佢係出於對男主角既保護程式﹗
但當我睇到機械人女友hei生自己都要save男主角既時候我相信佢地係真心愛對方﹗
而個女仔就係想證實呢樣野﹗
東京大地震，場面真係好大﹗
機械人既古怪行為真係好好笑~~~
真係希望可以有一個咁既機械人保護住我，好有安全感呀~~~
故事又完整﹗真係幾完美~~~
Justin唔鍾意睇愛情戲，連佢都話超好睇﹗
星期六Justin話陪我睇戲﹗
不過d戲院好full而佢又要9點去比賽~~~
之後我地就返左我屋企﹗
睇下魚魚上下網，搵下資料去日本..
點知佢睇到我個blog話果日佢叫我一個人報名我唔開心﹗
佢就問我點解唔開心﹗
我覺得唔係咁都要問呀????
佢問左好多次﹗我都無答佢呀~~~
之後仲冷戰左一陣﹗
不過過左一陣我幫佢戴con，笑下佢白痴咁就又無野lu~~~
直到尋晚我同佢講返果件事﹗
我好冷靜同佢講，果日對於我最重要既係去旅行﹗
我都明佢約左人﹗
不過點都好叫我一個人去我都會唔開心﹗
唔開心係個人感覺，點解釋????
但我知我咁講佢會講咩﹗
我話我地係2個人，我覺得如果你唔明既，我係無可能講到你明﹗
就好我同你講我肚餓，你會知我係肚餓但唔會feel到我有幾肚餓﹗
有時候唔係唔想溝通而係覺得如果明知再講落去會傷到大家 / 我
咁不如有一個人先停左落黎﹗
等冷靜左，再慢慢解決呢個問題~~~
唔知呢~~~尋晚傾得好好，好似真係明左我想講咩﹗
而唔係好似之前咁又喊又叫....
