2011聖誕遊韶關 (陽元山景區篇)

我地又好早起身，希望趕到10點去丹霞山架車~~~

酒店早餐係飲茶，自己點，埋單可以扣返RMB 20.....
 
講真咁既形式唔錯，食咩點咩，新鮮熱辣~~



我地叫左成10個點心，扣左RMB 20，都係加返 RMB32，抵到呢...........

豆鼓凌魚陳村粉 (好入味，正)，豬肉南瓜腸粉 (滑滑)



鹹水角 (皮太厚)，叉燒包、雙皮奶 (香滑)

 

呢個個名好靚嫁，不過唔記得，應該係炸芋泥~~~

都好味﹗小點 RMB 3.8，大點 RMB 9.8，特點 RMB 10.8)

抵食﹗

食到勁飽向丹霞山出發，巴士一程 RMB 16，之前網上面好似話RMB 10，貴左咁多!!!???

最後12點前到達門口票務中心

因為我地諗住搭埋船，於是買左套票 RMB 160，如果分開 門卷 RMB 100，船票 RMB90﹗ 

其實我個心都幾期待，話哂第一次響中國睇山，我真係有期望過好似山水畫咁靚，不過當日天氣好差，不時落雨....=.=

入左門口(要打手指毛)，之後等FREE SHUTTLE，問票務無地圖、問入口又係話無地圖﹗

最後不得不放棄又係盲摸摸自己行~~~

唔好信佢5分鐘一班，佢係有客之後計5分鐘，試過搭欖車果個站等左勁耐都無車.............

有車一定要截，唔好等佢埋黎﹗

遊船每個鐘一班，我地遲左2分鐘，於是行左去第一個景區先﹗

陽元山景區，其實每個區都好大，要行哂真係可能要一個星期~~

我地行左差唔多個半鐘，只係行左陽元山票站到雙乳石﹗

無地圖唯有影低D介紹做REFERENCE﹗

當日我地只係睇到陽元石同埋雙乳石

第一站陽元石~~~

鍾意佢D指示牌上面寫埋有幾遠...........

其實佢D路都整得幾好﹗

木板鋪左一級級，落過雨都唔係好滑~~~

行入門口小小已經好靚~~~

努力上上上上上..........

幾經辛苦到左乾元亭~~

望過去陽元石，大自然真係好奇妙﹗

我好鍾意D松樹呀﹗

唔知有無人響山頂個亭上面呢!!!!???

松樹姿態好優美呀﹗

影左D變態相，2個傻人玩左一餐~~~

落到半山，原來呢個位就係影陽元石最佳位置~~

我地就係由上面行落黎，都唔知行左幾多級樓梯呀~~~

之後咁岩有旅行團，我地又偷聽下人地D簡介﹗

仲跟埋人地去雙乳石﹗

用小小幻想啦﹗哈哈.......

上面呀~~~

=.=

唔知點解好多一支支竹仔支撐住舊石﹗

其實有咩作用!!!???

影左陣相就回程喇，因為我地知唔夠時間~~~

呢邊D路就有D爛，不過估唔到好戲在後頭~~

呢條橋就係去雙乳石，我地由車行果邊返出去門口，果邊D路仲好行，又唔洗上落，不過如果你想上去乾元亭就一定要行樓梯~~

好快就出到去"市集"，見仲有時間行左一轉，點知雨越落越大，感謝那把傘﹗

我買左一樽柑桔乾，好味呀﹗

諗住上完丹霞山再黎買，點知無機會喇~~~

下一站錦江遊船..............