凍冰冰海洋公園遊~~

今年好似好多機會去香港2大樂園~~~

Disney 去左2次 (分別係4月同8月)，估唔到連OP 都去2次﹗

今次係J公司包場有免費飛﹗

去之前知道最新既動感天地，岩岩開左可以試玩~~~

4點入場，但我地5:15 先出門口，因為我地訓到差唔多3點﹗

是日天氣真係好凍好凍﹗我地認為山上面應該得9度左右﹗

一入去原本想去海洋館，點知勁多人，應該係日票既人仲未走~~~

人山人海，真係無咩心機排﹗

6:15 係開幕+抽獎，不過唔想等，於是周圍影左一陣相﹗

 

日落了﹗D 海洋動物 ON CHRISTMAS COSTUME 好搞笑呀~~~~

鯊魚

J 入面只係一件T SHIRT 真係勇~~~

戴左頸巾就係聖誕節........=.=

之後去左睇熊貓﹗

工作人員幫佢地準備緊食物，原來聖誕都幾得意，會響石上面加層冰﹗

好可愛呀﹗

飲水個樣都搞笑過人﹗

佢地好似大過之前好多~~~~

呢隻細隻好多呀，佢好耐都無動靜，我地研究左好耐到底係真定假，點知隔左一陣佢就去食飯~~~~

大口大口咁食﹗食得好快呀﹗

又係好可愛~~~~

唔知呢頂帽新定舊款，不過J 有小小想買，最後D Shop Close 左，買唔到﹗

我其實鍾意佢個手掌仔~~~~

入夜了~~~~

搭海洋號上山，第一件事當然去左動感天地，下一篇BLOG先詳細介紹下啦﹗

玩完之後去左OCEN PARK TOWER﹗因為室內唔會太大風應該會舒服D~~~

動感天地VIEW FROM OCEAN PARK TOWER﹗



再去左探下海獅﹗

無咩人，D海獅爬左上石，好近呀﹗

我忍唔住同J 講希望之後既小朋友唔單上響樂園見到呢D動物，可以響野外都見到~~~~

行行下又去返舊機動遊戲果邊，雖然唔洗排，不過都無咩想玩~~~

感覺上海洋公園好小聖誕裝飾﹗

點解佢個節目表整得咁靚.......><

唯一玩左磨天輪，不過超大風勁凍~~~

我地玩緊犘天輪既時間正正就係月球被地球個影完全遮住，真係好浪漫呀﹗

J 話我地好忙，邊玩邊睇月蝕~~~

原本想搭返欖車返去，點知勁多人，所以都係搭海洋號﹗

返到去門口已經10:30............

唯一有小小聖誕氣氛既地方﹗

月全蝕全面睇﹗

好光好圓好大呀﹗是夜天氣真係好到不得了~~~

蝕左小小﹗仲見到個圓形，但見到小小暗左﹗

蝕左一半喇﹗

得返小小，全蝕好難影到呀﹗傻瓜機算係影得唔錯﹗

諗唔到食咩，於是又搭的士去香港仔食泰菜~~~

2人套餐﹗有4樣野，排骨﹗份量真係好多﹗

鹹魚芥蘭 + 海南雞﹗好有雞味WO~~~

大大個菠蘿飯，我地仲有大半食唔哂﹗

其實3個人食就差唔多~~~

真係誠意推介呀﹗ 香港仔<<泰皇宮>>