2011聖誕遊韶關 (交通篇)

首先我要多謝蘇菲同佢媽咪俾左2張由香港到廣州南既大巴車票我地﹗

慳左 $200....YEAH~~~

8:00 準時油麻地開車經皇崗口岸，之後11:20 到達碧桂園.....

因為溝通問題等左差唔多15分鐘先成功轉車去廣州南，已經趕唔到11:50既高鐵到韶關~~

高鐵站俾我第一個感覺係好大，有3層，我地先到地下買飛，佢有分自助同窗口人手賣票，一落到地下右手邊一排自助.......

我地研究左一陣，發現一定要有大陸身份證先可以..........=.=

之後我地花左差唔兔5分鐘先搵到窗口賣票

要出左門口先見到，真係得個大字，設計得唔好﹗

最終買左 13:10，RMB 105，都OK，仲有一個鐘可以食下晏~~~

佢會入返回鄉證個號碼落去張飛度，不過入閘又唔洗對.??

原本想搵下高鐵時間表，可惜搵唔到，我諗應該半個鐘一班，如果平日應該去到先買都OK~~~

好似機場咁大，附近咩都無...=.=

餐廳包括: KFC、M記、真功夫、味千拉面﹗

最後揀左M記，食左個香港無既雞卷......

KFC勁貴成RMB 40一個餐~~~ 

大陸火車好準時開出﹗真係一分鐘都無遲~~

再見喇，廣州南站﹗

以我所知廣州有3個車站，南站 = 高鐵、東站 = 香港 - 廣州直通火車 & 廣州站 = 普通火車

車廂都幾新，回程我地搭火車，勁平呀 RMB 38，不過就搭左2個幾鐘，同埋環境差勁多.......=.=

列車不停出出入入隧道，車速好快，不停站大約 50分鐘就到達韶關~~~

雖然佢話最快可以去到 350 KM/HR，不過我地見到最快都係310KM.............

經過好多山山、田田︴見到好多未開發既地方﹗

其實大陸真係好多地方未開發~~~

落左車有一分鐘時間俾我地跑去車頭影相~~

J 影緊既時候已經有人吹哨子叫佢唔好企出白線~~

到我影架車突然響按............嚇死人咩!!!

不過又好好笑~~~

之後隨人潮出閘，右手邊見到有個咨詢中心，我地諗住去問下有咩方法去酒店~~

點知呢個時候有個叔叔問我地係咪何小姐、係咪去麗宮國際，有無訂位????

我就問佢幾多錢，原來呢架係酒店車，每日13:00就會由酒店車D人出黎搭車、2點就車D 人返入去﹗

一日只有一班，我地無訂位，好彩仲有空位﹗

LUCKY﹗如果唔係搭的士都唔知幾錢，呢程車成半個鐘呀............



韶關有2個站韶關站(高鐵)同韶關東站(火車、巴士前往韶關各大景點包括南華寺同丹霞山)

下一站麗宮國際渡假村酒店