凍冰冰海洋公園遊 <<動感天地>>

海洋號隔離原來就係動感天地﹗

上次黎玩果個大鐵鎚就係其中一個機動遊戲~~~

我地玩完之後同聖誕老人影相，其實2個人已經凍到咩咁，鼻仔紅紅，個頭都吹到亂哂....=.=

可以試新野當然開心啦﹗

上到去右手邊就係呢個千秋，左手邊就係果個大鐵鎚~~~

就咁睇以為無咩點知我地玩完都勁驚~~~~

行前就係呢個轉轉，向前再向後﹗

之後係一大堆攤位﹗射藍球、套圈、射足球、掉豆袋、掉銀仔~~~~

點解個個AREA都係呢幾樣野..........=.=

悶.......

再入小小就係碰碰車仲有新過山車﹗

我呢D當然唔敢玩，J 都係影下相算喇~~~~

我提議不如先玩碰碰車，點知排左一個鐘隊，因為好多人都想排左咁耐自己一架車，可以撞下個FD~~~~

我地都唔例外，一人一架﹗

車手J，幾型呀﹗

不過佢中間有個牌好阻地方，有D人撞左埋去出唔返黎，排左一個鐘，點知就係痴左響果度............> <

我發現個肽唔可以扭到好盡，唔係會向後同打圈﹗

但排咁耐，我不如俾10蚊去第2度玩好過.........=.=

呢個攤位好搞笑，打D青蛙落D花度，不過應該好難~~~

J 話贏個薑餅人俾我，不過............................

我唔想要，我已經過左毛公仔果個年紀~~~

之後排左半個鐘玩呢個千秋，我地都知一定好凍，不過估唔到凍成咁，D風勁大~~~

佢有支扞可以控制上落╴不過 J 驚到唔敢MOVE，因為響上面感覺佢好似就黎成架野要跌落答咁...........

強烈要求如果風大就唔好開呢個GAME~~~

要知道J 有幾驚，睇佢影D相就知，佢亂咁按製﹗

有一張影左自己個手板..........=.=

我地估呢張應該係影月光~~~

最後玩埋個轉轉﹗因為好小人，排左應該3分鐘左右﹗

好肥仔呀~~~

佢可能無得運動肥左，希望佢腳仔無事啦﹗

凍完一大輪，食左個燒魷魚，天寒地凍食真係好正~~~~



之前睇報導明明有6樣新野，其中一樣係BUNGEE JUMP，點解搵極都無，原來因為佢響好角落，仲再原來係跳彈床..........=.=

如果想去睇下個新動感天地，你都係唔好抱好大期望~~~

反而好想去睇下TOY STORY﹗

不過都係等下年啦~~~