西湖 @ 黃埔

星期四晚Justin約我去街﹗

因為佢有得放早4:00已經收工喇﹗之後去簽左份野

上年我介紹左一個agent俾佢，佢買左一份基金﹗

供左19個月，個戶口應該有2萬幾蚊，不過而家得返萬幾，足足唔見左一半﹗

可能而家經濟環境唔好，但如果真係咁差個agent係咪應該俾返小小意見﹗睇下點轉d錢會好d....

開始時就同我地講會半年meet一meet做個review~~

但呢19個月好似都未meet過wo~~只見每一次寄來的報告損失既錢越多﹗

之前個經濟ok既時候都已經開始唔見幾個percent喇﹗而家係幾十percent....

所以我地決定cut左唔供﹗

雖然要10年之後先羅得返，到時可能無咩幾錢剩，不過總好過無底咁叉隻腳落去﹗

簽完我都未收工，不過佢唔識得黎我公司樓下接我﹗

我地約響之前去過既地方等﹗哈哈﹗

之後就搭船去黃埔喇﹗

搭船真係可以睇到維港2邊既夜景好靚~~~

到左之後就搵食喇，對於Justin呢d香港仔佢又點識黃埔有咩好食呀~~

其實我都唔係好知嫁~~

不過見到一間中式野好似幾好味﹗就入去試下先﹗

賽螃蟹(好似得蛋白only~~都唔見有蟹味﹗)

宋嫂魚羹、豆腐魚羹 (上次上海坊好味d~~)

火腿同炸腐皮夾落去個包包度 (呢個都幾好味﹗正過北京田鴨)

松子咸牛肉石頭飯 (勁香，加d賽螃蟹，撈埋一齊好味﹗)

BB鴒 (呢個都好香﹗)

楊支金露 (呢個應該係假既，都無西yao肉gei~~)

不過總括黎講都ok，同埋都幾平﹗咁多野食都係 $2xx.....