只要和你在一起

呢排好鍾意孫耀威一首歌就是 : 只要和你在一起

簡簡單單，好舒服~~

我仲將首歌整左做Justin打俾我既鈴聲﹗

每一日都可以聽到幾次﹗訓前一定會聽到﹗

話說Justin星期一放假，佢就問我星期日晚陪唔陪佢﹗

有人陪我當然應承啦﹗

佢勁傻瓜點都要打地鋪，要將床舖全部拉落地下﹗

不過感覺幾得意，如果有埋天上面既星星咁就仲好﹗

起身之後我地就一個煮粥一個炒蛋，整溫泉蛋、蒸豆鼓凌魚...

以上我只係負責一樣﹗

而家我地追緊 <<惡作劇2吻>>

雖然覺得套劇有點白痴﹗

不過我地一邊睇可以一邊討論下都幾好﹗

討論下家庭、愛情、朋友....

原本打算星期二一早同佢一齊返工﹗

不過我細佬唔記得帶鎖匙，我要返左屋企lu~~~

佢好似好唔捨得我咁呀~~

同埋我星期二一早要去見工﹗星期三仲勁一見見3份﹗好誇呀﹗

同住Justin一齊既感覺好舒服﹗

佢同我講覺得呢幾日好聰實(係充實至岩呀，不過外國返黎既中文唔好都無辦法﹗)都唔錯﹗

其實我地一星期見成3-4日都係因為我肯陪佢留響屋企﹗

睇下DVD，煮下飯仔﹗

同住佢一齊好開心，做咩都無所謂﹗

只要和你在一起 就夠lu~~~