見完芷翹之後我就直接由沙田返去香港仔~~
Justin上Openrice見到呢間餐廳食評好好﹗於是我地就去試下喇~~
水準真係唔錯，不過如果地點方便d就更加好喇~~
一入去已經有個蝦片俾你試下﹗我好鍾意食ga~~不過減肥唔可以食太多﹗
主菜方面我地叫左個炒金邊粉﹗水準都係有ga~~好味，d料又多.....
燒雞一隻，佢真係好大好大隻，d肉都好滑，仲要唔貴，好似 $68 ja~~
我地食唔哂，淨左一半，因為實在太大喇~~
呢個燒鱔片勁好味~~~外片脆，而仲保持到d肉唔乾身，唔點隔離個醬都好入味，真係勁好味~~
仲要無骨果下更加正......
叫左個Garlic Bread~~好大陣蒜香味~~外脆內軟﹗仲好熱ga~~
呢一餐加杯青檸冰就真係正哂喇~~
最後仲會送個甜品俾我地﹗呢個糕都好正﹗好香椰子味﹗
下面係一層西米，所以唔會太甜~~好味﹗
不過一家人黎食會更加好﹗好想試下佢個蟹同烏頭~~
沒有留言:
張貼留言