突然上深圳

星期六返左半日工，原本放3點半，點知1點就放左喇....

Justin約左朋友上深圳，我見咁早放咪同佢一齊上去lor~~

佢十二點幾起身，但3點先到九龍塘，大家估下發生咩事......

A. 塞車

B. 巴士中途死火

C. 巴士飛站

D. 以上皆是

哈哈...好易估jei~~~

上到去已經4點幾，肚餓到死，於是是是但但食左間餃子店....

都ok gei~~

之後就響東門行行行.......行到8點幾就去食野﹗

10點last order，點知9點去到，都仲要等20個位......

最後轉左食中森名菜.....以前呢間野成日賣廣告，好似好好味，我以為係正野﹗

點知........

佢好大間，好似有幾邊，每邊都唔同setting~~我地揀左坐tatami~~

見佢個menu又係好多款，我地4個人叫左

長板壽司

章紅魚壽司、壽司船、鵝肝炒飯、燒餅、燒青魚

um~~我真係好耐未食過d咁難食既壽司喇.......

個魚生唔新鮮之餘仲要個飯係硬到，Justin仲講笑話佢係d肉連埋舊飯一齊用機壓出黎.......=.=

雖然我唔知佢點整，不過真係好難食........

(我個傻佬真係好傻﹗wahahhahahaa~~~)

壽司唔好味得黎仲要連炒飯都一般，未食過鵝肝炒飯係唔香ga~~我諗炒飯唔香都真係幾難﹗

個燒餅先經典，d菜同埋d粉漿好似未整熟，又一丁點味都無﹗

我已經成日無咩食過野ga la~~夜晚仲要食d咁既野.....真係...=.=

最離譜係如果飲綠茶茶位每位 $18，飲菊花水都要 $10一位.....

好過去搶.....

好彩條魚都可以食，at least唔係凍......

最後就係去按摩......

差唔多5點先返到香港=.=

我地一行4人，田+我、阿輝+polly

我地見到一班公安追一個大嬸，其實佢係企響街邊賣吹泡泡機，公安唔單止搶哂佢d貨，仲連佢個手袋都想搶埋﹗我覺得嬸嬸好可憐，其實佢都係想搵餐晏，又唔係做d傷天害理既事，點解要咁對佢......世界實在有太多不公平﹗

今次係我第一次見Polly~~我感覺阿輝好錫佢，不過有一樣野令我感覺唔係咁好，佢地會因為好小事而爭吵一大輪，就好似有無一齊去過果間餐廳，佢地都會ao好耐，um~~其實咁小事，記錯都好平常，可能大家相處方式唔同，Polly佢地係咁樣溝通喇......