首爾秘密求婚之旅2012 DAY 5 - 明洞午餐、新村、弘大

返左酒店抖左一陣，其實個身仲係好濕...............=.=

原本LILY想帶我地去仁寺洞，不過太肚餓，所以都係響明洞食左晏先~~~

我地揀左之前想食但CLOSE左既景福宮燒肉~~~

個爐好得意，真炭!!!??

佢有好多款前菜，粉絲、芽菜、沙律、KIM CHI

菜卷.........

其實多到我都唔係好記得﹗

先黎係食牛~~~

一人分到2-3件，LILY教我地先用菜包住，加埋洋蔥、沙律同埋小小醬就係正宗韓式食法~

製成品就係呢個樣~~~

LILY仲教我地整紫菜包飯，用紫菜包住D飯，再響飯上面加D湯﹗

佢地平時就係咁食﹗

突然之間黎左個類似蒸蛋~~~

見佢地就咁食，可能係清下個味覺之後食豬﹗

第2款肉，其實我地唔知係咩，不過LILY之後問清楚知道應該都係牛﹗

呢個肉口感有D爽，唔知咩部位呢......!!??

食完牛就到豬，豬原來係另一種燒法，哈哈.....

好似響書上面睇過﹗

燒一陣就加D KIMCHI 落去，吸哂D油

感覺上都幾肥，不過豬真係好抵食，平過牛2/3﹗

食到好飽，呢餐好似食左7萬幾，不過都幾好味~~~

下次會再去食豬

之後我地響燒肉鋪隔離搭巴士去新村，無記錯應該係402~~~

搭巴士唔洗轉車，唔洗行上行落，不過佢無顯示，唔係LOCAL真係幾難搭~~~

去到新村我地決定分開行，俾D機會佢2個好好相處﹗

我同J 就無咩IDEA 想行邊，佢個心就只係記排EVISU，我個心就未定落黎，同埋落雨，真係無咩想行﹗

於是去左COFFEE SHOP 飲野﹗

飲完之後就行下附近﹗

呢座教堂都幾特別~~~

之後仲去左幾個SHOPPING MALL，不過都係搵唔到EVISU，J 居然買左2條TIE﹗

不過感覺上新村無咩野岩買﹗

下次未必會再黎~~~

我地約左5點半響MTR門口等，不過佢地遲到，哈哈...搞到我地白白擔心左一場~~~

之後就去弘大，雨一直下............

弘大其實好簡單，只係得1條街，我覺得D野都OK岩睇，價錢好似仲平過東大門﹗

LILY話想帶我地食雞，呢間野係SEVEN 開既~~~

LILY揀左呢款，我地都唔知係咩.........

食落去第一下甜甜地，都OK接受到﹗

不過第2下就會發現好大陣黑椒味..........=.=

我已經好努力﹗

不過最後都係食唔哂，佢幫我地倒左D汁之後撈左個飯﹗

哈哈﹗我地3個得出一個結論就係食唔慣~~~

多謝LILY既呢餐飯~~

牆上面好多SEVEN呀﹗

應該係掛，我都唔肯定

EUGENE因為等我地搞到唔舒服，LILY即刻買藥俾佢﹗

其實響一個語言不通既地方，有個LOCAL朋友真係幾唔錯~~~

有事都唔怕﹗

之後我地就分開喇，希望之後響香港會再見啦，因為短期我都唔會再去韓國~~

返到酒店佢地2個狂食野，又KIMBAK、又紫菜、又布DIN、又士多碑利﹗

我仲錄左一段對於J 精心安排既求婚之旅既感想﹗

我諗個MOVIE應該要到結婚果日先有得睇喇~~~

期待﹗