呢幾日既所有野都令我唔開心﹗
無論係返工，定係同Justin﹗
一直都提唔起精神﹗
咩都唔想做唔想諗﹗
可能天氣又唔好啦﹗
真係好凍呀﹗
明明有好多野﹗好想講好想同Justin傾﹗
不過真係咩都唔想做﹗
可能需要多d時間﹗
不要因為我而做你唔鍾意既野﹗
我也不要因你而做我唔鍾意既野﹗
應該話我聽到你話其實你唔鍾意做﹗
但因為我而做左，我會感覺好差﹗
可能我只係想一個人大喊一日﹗
我真係好鍾意喊﹗
2008年1月30日 星期三
Blueberry Night
同媽咪2個人響Quarterdeck食左個tea﹗
不過我一點兒都唔enjoy﹗
好彩我有打去訂台﹗
因為我同媽咪去到一個人都無﹗
之後有個人走出黎同我講”我地俾人包左場wo﹗
我聽到勁嬲lor﹗
因為有book台﹗所以最後都俾我地入去﹗
如果無得入我一定唔會再去﹗
成間野得我同媽咪﹗但無得坐海景台lor….
個menu有d唔識睇﹗是但點左個chicken wing 同 chocolate cake﹗
2杯檸茶﹗
估唔到咁都要成百蚊一個set﹗
個cake好rich﹗好味﹗
但雞亦就太肥﹗我覺得媽咪整既好味d﹗
我地響Harbour City門口影左張相﹗
原來我同媽咪係咁似樣ga﹗
遲d post出黎先﹗哈哈﹗
之後就過去寶林﹗
因為9:40要睇blueberry night﹗睇前陪justin剪頭髮﹗
最後發生左不愉快事件﹗
搵埋Eugene之後就過去觀塘食大盛
叫左好多新款﹗
赤蚌、櫻花yao魚、金龍、花之戀、2條好味既卷﹗當然仲有三文魚啦﹗
點知遲左10分鐘先入場﹗
睇唔到個opening﹗好彩都大概知係咩事﹗
佢地2個勁憎呢套戲﹗
又成日扮訓覺﹗好噪﹗阻鬼住哂﹗
唔知呢﹗睇完絛無特別既感覺﹗
唔係鍾意唔係憎﹗
行左一陣就返去喇﹗
喊到支力就訓喇﹗
2008年1月29日 星期二
Finished Presentation
終於都過左個presentation喇﹗
放左學去搵埋Prudence同Emily食野﹗
KFC--> 偷食左一啖<<山椒麻麻雞亦>>
好似都係蜜糖雞亦好食d﹗
食到極飽﹗
其實都唔係準備得好好﹗
因為響公司著左火
唔想再講喇﹗同左幾個人講就算﹗
不過我覺得自己Present得唔錯﹗
因為我有望阿Sir﹗當佢望我我都會望住佢﹗
當佢望住note，我就會望住note照讀﹗過程都幾流暢
其實呢個功課都involve得幾多﹗
無論點都好﹗過左就由佢喇﹗
不過要modify小小俾阿sir﹗
大家要加油﹗^ ^
仲有individual 同埋個exam﹗不過都係下個月尾﹗而家唔諗lu﹗
要過一個開開心心既新年﹗
Happy New Year
2008年1月28日 星期一
2008年1月27日 星期日
Happy Saturday
訓醒之後煮野食﹗煮埋都成4點﹗
整左蛋煎餐肉﹗(我負責)
蒸蛋(Justin負責)
仲有蒸Chinese sausage
蛋就老左小小﹗不過都好好味﹗
我地睇左<<野良犬>>
之後睇左Justin成日響英國睇既 <<Jackass>>
真係超恐怖﹗
真係咩都有得玩﹗
玩到受傷玩到嘔﹗
真係好核突ga﹗
差點兒撞上﹗
如果可以一直陪伴我身邊，你說有多好﹗
2008年1月26日 星期六
2008年1月25日 星期五
Prepare for Presentation
放左工要去傾下星期一 個present﹗
原本想等Justin放工ga﹗
不過Prudence放早﹗
於是我地就去左食面喇﹗
當然又係楊記啦﹗
之後去返金鐘﹗
估唔到Prudence係好浪漫，對男朋友好好wo
係佢俾左個idea我送咩俾Justin做生日禮物﹗^ ^
我地傾左好耐﹗差唔多九點先完﹗
之後再整左一陣update下個powerpoint
要走喇﹗不過當然諗住返公司再整﹗
Justin喉嚨痛，仲痛左好多日﹗點算好呀﹗
喉嚨痛——八成由病毒引致
兒科及家庭醫學專科醫生陳達表示，喉嚨痛其實與很多疾病都有密切關係。陳達醫生謂︰「有高達八成以上的喉嚨痛，是由病毒所致。其實口腔內的扁桃腺及咽喉都沾有病毒和細菌，若身體的抵抗力下降，病毒就會引起扁桃腺炎和咽喉炎，令喉嚨感到痛楚。」
陳醫生表示，現時約有五至八成往家庭醫生處求診的人士，都與上呼吸道感染有關，尤其是於流行性感冒高峰期間，喉嚨痛更是普遍的病徵之一。「大部分人在感到喉嚨痛時，都會有其他病徵，如發燒、咳嗽、鼻塞和打噴嚏等。若對喉嚨痛等病徵一律採忽視的態度，有可能會因此令病情加劇。」
喉糖非萬能 購前應諮詢
為減少喉嚨痛帶來的痛楚，大多數人都會選擇到藥房或超級市場，自行購藥處理。據調查顯示，六成八的人會選購喉糖，而且更會以「喉糖聲稱的功效」作考慮因素；此外，亦有使用咳水、止痛藥、其他口腔護理產品如漱口劑、或飲涼茶等。
其實，這些都不是治療喉嚨痛的藥品，註冊藥劑師童回春表示，部分喉糖只有滋潤作用，對解決痛楚並沒有幫助。童回春謂︰「有些喉嚨痛因發炎而起，可能需要服用消炎藥。部分喉糖會含可消炎止痛的成分；另一些則具殺菌作用。」
不少市民即使自行購買喉糖，亦絕少諮詢藥劑師的建議。「基本上，每個喉嚨痛的個案也不相同，應先向家庭醫生求診，找出喉嚨痛的病因。若自行到藥房，也應先向藥劑師諮詢，以免錯買藥物。」
鹹可以消炎, 消腫; 柑桔有清熱, 潤喉作用, 這樣用令飲鹹柑桔水, 可以醫喉嚨痛同開聲, 如果嚴重便要看醫生.
1.洗鹽水或其他溶液來治療，如洋甘菊茶、檸檬汁、威士忌，若
聲音有嘶啞或咳嗽，則疼痛的部位較深，這時漱鹽水較無濟
於事
2.增加室內的濕度，才不會因嘴巴呼吸而吸入乾燥空氣，造成疼痛
3.解決鼻塞的問題可減低喉嚨痛的問題
4.服用止痛藥，以減輕痛苦
5.多喝白開水
6.以洋甘菊泡入沸水，再用熱毛巾浸透擰乾，直接敷在患部，待毛
巾冷卻再重複前述動作，可紓解不適
7.服用蒜油膠囊，可有效殺菌，唯出現反效果時應立即停止使用
8.服用維他命Ｃ，有助強化組織，可幫助對抗喉痛的病菌
9.更換牙刷，以免舊牙刷上的細菌侵入，若生病了，復原時應該
再換一次牙刷，以免被感染
10.睡前一至兩小時內不要吃東西，睡覺時將頭部墊高，可防止胃酸
逆流，傷害喉嚨
11. 飲鹹柑桔水
12. 食金桑子
13. 食六神丸
14. 噴西瓜"相"
15. 扁桃腺炎與咽頭炎大都在感冒時發生，除了喉嚨會覺得不舒服、疼痛與堵塞之外，大部份都會伴隨發燒、耳朵周圍疼痛、關節炎等症狀。 罹患扁桃腺炎、咽頭炎之後，西醫一般都是用抗生素治療。屬於急性症狀時，用抗生素治療比較有效，不過服用中藥也有良效，服用抗生素後容易引起下痢情況的患者，不妨先服用中藥試試，如果沒有效時再改服抗生素。
不過吞飲唾液時喉嚨會疼痛的話，則可能已引起扁桃腺周圍膿瘍，這是扁桃腺炎惡化，化膿而膿積之不去的症狀，此時就必須接受耳鼻喉科的治療。其次，如果一再復發就會形成慢性化，這時可能就需要動手術了。請到耳鼻喉科詳細檢查。
在罹患扁桃腺炎的初期，產生喉嚨痛且會發燒時，可服用桂枝麻黃各半湯，如果伴隨有口渴症狀時，則可用桂枝二越婢一湯。
即使是初期症狀，但咽頭會強烈疼痛、扁桃腺及咽頭附近紅腫，但尚未化膿時，則服用甘草湯有效。 情況與上述相同，但扁桃腺上已出現白點，且不斷發燒時，則可用桔梗湯。桔梗湯雖然只是在甘草湯中另加入桔梗而已，一旦對症下藥，很快就可去除疼痛及發燒，具有很好的效果。
甘草湯與桔梗湯也都被用在虛實間證，而一般中醫不論患者的體力如何，都用此二處方。 患有扁桃腺炎、咽頭炎四至五天以後，則應服用柴胡劑，如果扁桃腺紅腫，則加入桔梗，如果有嚴重口渴症狀，則加石膏。
咁即係點呀?????
2008年1月24日 星期四
再一次元神出竅
Justin話佢呢排都nose 塞﹗
想食下washabi通下….
呢個係咩理論黎ga﹗
等埋佢放工就過左去食野喇﹗
開始食既時候都無咩人﹗(應該係因為早)
我地當然會叫三文魚、甘蝦sashimi
大大件，唔敢好似上次咁叫6舊，又會食唔哂﹗
都係每樣叫左3舊﹗
之後仲叫左我至愛既章紅魚、Justin既至愛腐皮
仲有墨魚同埋醋黃魚
醋黃魚唔知有無人鍾意食呢??我鍾意佢好腥﹗
不過呢間就太濕太酸><
仲有叫多一個定食雞扒﹗
好味﹗d雞雞好好味﹗
食飽飽，聽到隔離台話喉嚨痛食龜靈膏會有幫助
即刻去食返個先﹗
可能真係呢幾日天氣變得唔好﹗
我地又成日都好夜先訓﹗
實在太多野做喇﹗忙到有好多野都無留意﹗
要改善下啦﹗
我地傾返macau既野﹗
佢話如果我發脾氣佢會唔理我﹗
我就唔信喇﹗你會唔理我﹗
不知不覺我地已經一齊左一段日子
我成日都有唔捨得佢走既感覺﹗
即係去完街唔想佢走﹗要佢抱抱我好耐先準佢走
我係咪會俾得太多壓力你呢?????
但捨不得就是捨不得﹗><
仍努力學習2個人舒服的相處方式﹗
2008年1月23日 星期三
Lavin + Helen @ 紅辣椒
星期一因為太夜訓同埋應該笑得太多﹗
搞到我星期二勁眼訓﹗
於是我戴左眼鏡﹗
已經唔係第一次戴﹗
估唔到同事同我講: “你戴眼鏡個樣好似超人呀﹗”
聽到我呆左﹗
放左工約左Lavin同Helen﹗
不過由於太掛住Justin於是我就等佢放工﹗
我地行左一陣我就過去MK lu~~~
我地3個人食左紅辣椒(係Winnie介紹既)
已經第3次食啦﹗幾好味，最重要係平 ^ ^
之後就去左影貼紙相﹗
好勁呀，而家新果d會有紅外線 send d 貼紙相去電話﹗
我地當然試新野啦﹗
好快就影完喇﹗
畫畫畫…..
其實咩都唔整已經好靚﹗
可惜我揀錯左搞到d相勁細﹗
好彩仲有電話果d頂住﹗
真係好支力喇﹗連飲野都唔想飲﹗
靚仔 ^ ^
2008年1月22日 星期二
Our Wonderland
Shirley由美國返左黎，終於都有機會gathering喇﹗
不過佢勁衰我明明都去到尖咀﹗但佢都唔肯等埋我﹗
於是我一個人去左睇下我抽中tea既果間餐廳﹗
都幾高級ga wo﹗食個意粉都要$200
可惜我同Justin都要返工﹗而佢係一至四六點前用
我而家諗緊早走半個鐘之後同媽咪去食﹗
如果唔得就俾朋友食喇﹗
之後去左一間幾似café既樓上餐廳﹗
食左好多野﹗
有Pizza、意粉、焗薯、雞亦、串燒、湯、甜品、飲品﹗
都幾好味﹗
仲要唔貴﹗咁多野食都係一百蚊一位﹗
我地影左好小相ja﹗
簡簡單單已經好開心lu~~~
由七點食到十一點﹗正﹗
又試笑到聲沙﹗><
2008年1月21日 星期一
Busy Sunday
星期日都要一早起身返學﹗真係好支力﹗
我已經遲左成個鐘但同我一組既同學仔仲遲過我﹗
可想而知大家係有幾唔想返﹗
不過我前2日都無返﹗同埋星期日即係阿Sir講考試﹗
唔可以唔返啦﹗
但原來我又約左師傅上我屋企裝個寬頻
細佬又好堅持一定要去買鞋﹗
勁煩﹗
好彩最後個師傅十二點整好左﹗
細佬仲響屋企﹗
放左學原本想訓陣﹗不過其實又差唔多係時候煮野食﹗
整左老水雞亦同炒青瓜﹗再飲埋個湯就gd啦﹗
我仲學媽咪整酸瓜﹗
同糖同醋加落d青瓜度﹗
唔知好唔好味lei????
多謝細佬同Justin幫我﹗^ ^
當然仲有媽咪啦﹗
我會好好報答你地ga﹗
2008年1月20日 星期日
Happy Saturday
星期六Justin放左工就過黎我屋企喇﹗
我地睇返澳門d相﹗
佢勁笑我地響圓明新園既一張相﹗
佢迫我要post出黎lor
過多2日等我響屋企上網先﹗
之後我地一齊整野食﹗
有勁多野食呀﹗
我一早煲既雞湯﹗
Justin負責既炒三色椒﹗
蒸魚、豪油姑、仲有菜﹗
同埋細佬一齊食﹗
擺到成台都係送﹗
好好味﹗^ ^
煮飯仔好好玩﹗^ ^
不過Justin又耍趕返屋企睇波﹗><
2008年1月19日 星期六
Happy Friday
So Happy
睇左<<真的想飛你>> 笑死了
死喇﹗被人發現左﹗
好驚.....
我同Justin都喉嚨痛﹗
應該你因為去澳門食得太熱氣喇﹗
買左二盒喉糖一盒俾佢一盒俾自己﹗
我地要快d好返呀﹗
之後食Pizza
60分
蔡卓妍 @ Twins Solo'
他們都說你很懶散
常常不去上班
剛好陪我早餐
感情也許平淡但卻坦然
我就是喜歡擁你入眠
他們都說你太淩亂
總是遊手好閑
有很多壞習慣
要花多少時間不想去感染
能夠彼此擁有已經很圓滿
我何必多談
＊每個人都不是愛神
有誰能夠一百分
感覺不依賴理論
只要能對稱
複雜的世界
太多不安的靈魂
有個幾個男人也是種福份＊
##兩個人變成了我們
現實比電影感人
一對六十分超過了滿分
愛你是我的天份
不需要劇本
愛沒有明确的标準
只要你認真##
你沒有燦爛的雙眸
但是你卻能夠
笑得晶瑩剔透
計較你的疏漏
提再多要求
倒不如伸出手
把你的所有慢慢的享受
REPEAT＊##
一聽就好鍾意 ^^
2008年1月18日 星期五
2008年1月17日 星期四
簡簡單單就已經好幸福
Justin同Eugene 2 丁友上左去深圳﹗
十二點幾佢打黎話過緊關喇﹗
之後我就放工等返學
返學等放學
九點幾就返到屋企喇﹗
點知沖沖下涼Justin響大陸打黎wo…..
以佢既性格又係扮鬼扮馬﹗
雖然傾左一陣only﹗
不過我已經好開心lu
因為佢去到咁遠都記得要打電話俾我﹗
多謝Eugene友情客串﹗
其實我無諗過佢會打俾我﹗
因為佢唔會因為我擔心而特登做D野﹗
哈哈﹗
佢話玩多一陣就返黎﹗
我以為佢會好夜十一點幾就訓左lu
點知佢十二點幾就返左黎﹗真係乖抵錫﹗
原來每日可以聽到你果句Hello同早抖係咁幸福ga~~~~
又開始一星期都要返學既辛苦日子
2008年1月16日 星期三
要休息多D
由Macau返黎一直都好支力﹗
可能行得太多喇﹗
之後第2日即刻返工﹗
真係想死﹗
戴左眼鏡﹗
放左工仲要去買餸﹗
點知返到樓下撞到女朋友﹗
俾你見到我勁七﹗(又戴眼鏡又買餸)
Justin陪Eugene睇波衫﹗
佢Join左聯賽要整新波衫﹗
今日，有一件事令我諗到底我響Justin心目中有幾重要﹗
如果Justin入左醫院我會即刻同上司講我要走﹗
但佢話佢會等放工先黎睇我﹗
可能我係一個唔理性既人啦﹗
可能到時我做唔到呢??
應該好似你咁理性﹗
但如果係爸爸同媽咪我一定會即刻去﹗
屋企人係唔同gei~~~~~
Justin岩岩去左深圳﹗好掛住佢lu~~~
因為擔心佢唔知會唔會有咩意外﹗
佢同Eugene都第一次去﹗好似好危險呀﹗
希望你早d平安返黎﹗
Miss u><
2008年1月14日 星期一
行程的最後一日
最後一日我地訓到十點﹗
Pack野Pack到十一點先出去﹗
早餐由至到9點，所以無得食﹗
好搞笑﹗利澳俾左$20既coupon俾我地玩老虎機﹗
點知我地換既時候佢俾左$20 cash俾我地﹗哈哈﹗
check out完就去左議事廳前地﹗
食左winnie介紹既沙利文
好得意既數字湯、炸馬介休球、同好大既埔式咖哩雞﹗
個咖哩雞就淡左小小﹗可能我地當佢係印度野﹗
不過雞都幾滑﹗
去澳門當然係去大山巴啦﹗^ ^
之後去左書上面介紹既福龍新街
其實都無咩特別﹗
之後我地由議事亭去東望洋塔
我地想搭的士但個個都話好近﹗
咁我地就一邊行一邊問人﹗
有人話響皇都酒店再行上去﹗
有人話響東望洋
我就同佢講響荷蘭園
Justin突然發哂脾氣話搞到佢好似返工咁﹗
我知又唔問佢係我同其他人既傳聲筒…..
其實我都唔係好知要去咩地方﹗
都係人話咩我話咩﹗
咁我就唔出聲啦﹗
因為我知如果2個人鬧交﹗都唔知會變到點﹗
去到一個公園我地休息左一陣﹗
Justin就同我say sorry….仲好搞笑咁問我點解岩岩唔發脾氣????
我同你一齊行你有幾支力我會唔知咩﹗我都腳抽筋﹗
不過我覺得果度都幾值得去﹗真係好靚﹗
可惜睇唔到倒轉既澳門＞＜
之後我地又去左MGM
返去利澳羅行李就過去新埔京食Buffet
有激多野食﹗全部都好好味﹗
我最鍾意佢d長腳crab
真係好好味﹗食左好多好多條﹗
又唔會好似香港咁…魚生、生蠔有勁多人排隊﹗
Justin話仲正過佢響Eccelsior 既Top of the town $800一位既buffet﹗
食足2個鐘﹗
係時候返香港lu~~~
令人滿足既3日﹗
Thx Justin﹗LOVE U ^ ^
向澳門出發
第二朝9點起身響酒店食左個早餐﹗
之後又向澳門出發喇﹗
過埋關差唔多11點幾﹗我地又搭金紗車響金紗放低行李﹗
就響金紗搭車過去威尼斯人﹗又係唔洗錢gei﹗
我地行左一個鐘左右﹗我想講果條河真係整得好靚﹗
我完全唔覺自己響澳門﹗
不過唔明點解要俾人check ID lor﹗
I look so young?? You look like under 18.
我以為一個石Q傻點知試左幾次都係咁﹗搞到Justin有d嬲﹗><
其實Check都唔係問題，個問題係我無帶到ID﹗
我地玩左一陣老虎機就去官也街食野喇﹗
食左水Crab粥﹗同爆魚球﹗
個粥真係好甜﹗其實上次黎食果個都好味﹗
之後仲食左大菜糕、木糠布丁、豬扒包、埔撻、燕窩蛋撻﹗
食飽飽就返去金紗羅行李去永利check in﹗
永利酒店無high-tech野﹗張床都無昌安假日咁舒服﹗不過個view都幾好﹗
休息左一陣，Justin要睇波
之後我地就去左紅街市(當然都係無入到去啦﹗)
去左三盞燈﹗諗住食晚飯﹗(晏晝既時候聽到對面既3個女仔勁推介緬甸面)
書上面又介紹左一間﹗
咁我地就去試下啦﹗
我叫左撈面﹗Justin叫左湯面﹗
我果碗又酸個味又怪﹗(講真真係幾難食)
Justin果碗就無咩味﹗佢個樣似咖哩，不過係淡gei~~~~
最經典都係果碗連撈面一齊飲既湯﹗
你疆味ga﹗好難飲﹗
食左勁小就走喇﹗要飲一支可樂先舒服小小﹗
之後我地行去睇賽狗﹗
我地買左2場﹗笑到我死﹗
我地買既準則係佢有無減磅﹗hahahahahaha~~~
正一傻佬﹗
之後就搭車過去漁人碼頭﹗
好多野都close左﹗不過其實我上年去都無咩野行﹗
夜晚好似靚d﹗
我地仲行左新開既果部分﹗好多不同餐廳，我鍾意如此建築風格﹗
之後去返碼頭又搭人地既車去MGM(美高梅)
其實賭場都係千篇一律﹗
我地去門口影獅子既時候﹗有一樣好funny既事發生
Justin居然響macau都撞到個朋友﹗
最搞笑係佢個fd之前想約佢呢幾日去街﹗佢話唔得閒﹗
而家俾人知原來係去左macau﹗><
去完MGM就返去酒店﹗
又響Justin懷中睡著了﹗^ ^
2008年1月13日 星期日
旅程開始
7點起身搭9出門口，點知都係遲到﹗不過我地約早左半個鐘去食早餐﹗
Justin黎左MTR等我﹗我地一齊去左Mcdonal食左個醒晨早餐 ^ ^
天氣真係好好呀﹗
不過船去左一半Macau，就開始大霧﹗
真係好大霧呀﹗
好似咩都睇唔到咁﹗明明好好天但原來都會咁﹗
之前果日仲要撞左2次船﹗
好彩安全到達﹗^ ^
去左金紗搭佢既巴士去左關閘﹗哈哈﹗free of charge﹗
之後就過珠海喇﹗
過到去已經十一點半lu~~
我地行左個地下商場﹗好大好大呀﹗
我地打左陣機、行左supermarket同埋好多間鋪﹗
大概點幾就返酒店喇﹗
因為2點可以check in﹗
點知搞左成個鐘先可以羅到room﹗
仲要唔係我要求既果種room﹗好Angry呀﹗
間野係幾Grand、幾High tech (一個remote 可以整哂成間room既野﹗)
開放式既toilet同bathroom﹗仲有電視tim
之後我地去左珠海最旺既步行街諗住食野﹗
點知無一間係有興趣想食gei~~~
我地最後食左街邊野﹗燒羊肉、小丸子、yao魚﹗仲飲左大大杯冰茶奶凍﹗
我想講樣樣都好味﹗
之後想搭旅遊巴繞住珠海遊覽﹗
不過等左成半個鐘都仲未有車﹗
都差唔多六點lu~~~
唯有搭車去灣仔食海鮮﹗
去到﹗嘩﹗咩都無gei﹗
好彩行行下終於搵到果條海鮮街﹗
有好多海鮮仲要勁新鮮﹗
我地揀左聖子、蝦、扇貝﹗
加加埋埋一百蚊﹗
入左一間叫X王既餐廳叫佢地幫我地加工﹗
每一味餸要俾一個加工費﹗
揀左白勺蝦、豉椒聖子、蒜容蒸扇貝﹗
飲左2支可樂叫左一個薄餐﹗但要$60﹗
咁就唔係好抵喇﹗不過都新鮮gei﹗
之後就行去搭車喇﹗點知俾我地目睹一件悲劇﹗
講真真係好唔開心﹗
原來生命真係可以轉眼即逝……
希望你響天堂可以生活得開開心心啦﹗
之後我地搭車去圓明新園﹗
去到已經七點半﹗
原來有分春夏秋冬﹗而家係冬天收9點﹗
咁得返個半鍾唔係俾幾十蚊入去呀????
所以我地響門口玩左一陣就又搭車去返步行街﹗
行左supermarket之後買左d零食就行返酒店﹗
我實在太叻喇﹗認得返去既路﹗
有你抱抱我進睡真係好開心﹗
簡簡單單的一天﹗^ ^
2008年1月12日 星期六
一個月沒有Happy Friday了
一個月沒有Happy Friday了﹗
好彩仍有時間俾我地2個有自己天地自己空間﹗
放工返到屋企就PACK去澳門既野﹗
好記得上年去2日一夜pack左一袋及一個手抽袋﹗
今次同Justin去﹗pack左一袋only﹗^ ^
hahahaha~~~懷住興奮心情訓lu~~~
2008年1月11日 星期五
2008年1月10日 星期四
2個人一個爐﹗一邊打一邊食﹗一人一邊﹗^ ^
星期二既邊爐改左星期三
之後因為我要傾功課
Justin於是約左人doo 波﹗
但點知我8點就傾完﹗
我無打俾佢呀﹗因為知佢岩岩先meet到佢個fd﹗
無理由咁快又叫佢走﹗
咁我就等啦﹗
等到9點3﹗><
我係咪太蠢呢????
之後返到屋企，set好爐﹗差唔多11點先開始食﹗
有好多野食呀﹗
肥牛、姑姑、魚面、丸、菜、豆腐、栗米(超好味)
Justin又食到就飽死喇﹗
之後我地睇埋<<美味關係>> ﹗
2點先訓﹗好支力lu……..ZZZzzzzz…..
細佬羅左<<茶煲阿四>>既DVD俾我睇﹗
可惜呢2日都無咩時間﹗
原來仲有四集就完喇﹗
好開心﹗星期六可以去澳門玩﹗^ ^
今朝我六點幾起左身煮早餐﹗
嘩﹗我對你真係好到加零一﹗^ ^
錫哂我就岩喇﹗
好幸福
2008年1月9日 星期三
高級低能
原本約左打邊爐但係有小小意外改左星期三﹗
但好彩因禍得福﹗
同細佬2個人食左即食雞、又係冷盤、三文魚sashimi、仲有菜﹗
其實今日最Funny既事係響公司發生﹗
其實大家都應該知我之前響公司係scan野既﹗
之後因為有同事放假我就頂佢個位﹗
但我上司又想叫我scan又想我做文書處理﹗
我當然唔會理佢啦﹗
就咁就拖拖拉拉左成3個月﹗
尋日佢搵左第2個人頂我文書處理個位﹗
要我scan我無所謂呀﹗
樂得清閒
但我同事就唔想頂果個位﹗
上司仲要想朝早我坐晏晝佢坐﹗
咁樣接黎接去換黎換去﹗
唔知大家覺得點呢??
最後留返我全日做文書處理﹗
同事就朝早做自己野﹗晏晝scan﹗
上司要我做咩我都無所謂﹗
不過一個人做2個位既野就唔得﹗
2008年1月8日 星期二
星期一又係返工放工返學放學的日子
又係返工放工返學放學的日子
hahaha~~~不過中間加左一part陪Justin睇醫生﹗
點知勁多人等左一個鐘﹗
等等下我地就去左食野﹗
食完野上去岩岩好﹗睇完就趕返學﹗
又遲到一個鐘﹗
不過聽到Helen話我未返之前都係睇同學Present
咁諗住岩岩好返到黎上堂﹗
點知仲有2組未Present﹗Present完阿Sir話走得﹗
頂﹗早知唔過黎啦﹗
2008年1月7日 星期一
追看茶煲阿四
等左一個星期終於都又可以睇到茶煲阿四喇﹗
一早估到哲修會去搵阿舞但估唔到當友青話同佢復合﹗
佢會話: “ 我應承過要永遠照顧佢，我諗我地無可能再一齊喇﹗”
激到果個友青死﹗
哈哈﹗咁就岩喇﹗
呢d以為自己可以control其他人既女人….討厭﹗
因為一個有錢人離開哲修
而家人地唔要佢佢就返黎﹗so cheap
仲要明明有目的但扮無知﹗乞人憎呀﹗
下個星期阿舞個老公會認返佢﹗
唔知會點呢????
超期待呀﹗
可惜我去左澳門要星期一先返到黎﹗
唔可以即刻就睇﹗
一個星期好耐呀﹗><
可能哲修同阿舞都習慣左對方響自己身邊﹗
PS: 我唔記得講返星期六做Facial補電眼睫毛﹗
一邊就ao B、一邊就電到短左﹗點解會短左﹗就真係要問返至知喇﹗
而家真係超核突﹗
下次就算佢俾返錢我叫我電過我都唔會喇﹗
醜人多八怪﹗><
2008年1月6日 星期日
Happy Saturday
星期六我過得好開心﹗
訓到10點就起身食左個面﹗
之後點半就過去美容院做Facial﹗
今次又整到紅哂﹗仲好多印﹗
核突到呀﹗><
耳仔隔離，痛到暈左﹗
之後就同Justin返左我屋企﹗
我地一齊買左叉燒、海折、中華沙律、八爪魚、仲有甜品﹗
返到去我又整左菜﹗
仲有雞亦﹗
真係超多野食﹗^ ^
飽到食唔落甜品lu~~~
睇左之前好想睇gei<<保母日記>>
簡簡單單﹗但我已經好開心喇﹗
^ ^
希望我地會一直快樂下去﹗
2008年1月5日 星期六
再一次失落Happy Friday
原本既Happy Friday又無左lu~~~~
因為5:30同7:00既關係所以無得見lu~~~~
雖然隔住電話，不過都好開心有你陪住﹗
返左屋企整左"介蘭"、叮返熱媽咪之前d餸﹗
其實我係第一次整"介蘭"
原來係好難熟ga~~~~
我整左好耐，真係好耐﹗
因為我知要d 變到小小透明先叫熟﹗
一直變到黃色但中間仲有小小唔熟﹗
><
最後當然係好難食啦﹗
原來係要"飛水"ga.......傻人﹗
><
PS: 原本想響日本買個聖誕禮物俾Justin﹗
點知因為我想要既野好舊，買唔到﹗
咁我就送去澳門同珠海既Package俾佢﹗
其實之前佢生日我已經想送俾佢~~~
而家咁都幾好呀﹗^ ^
好野﹗情人節諗到送咩lu~~~~
2008年1月4日 星期五
乖仔乖女^ ^
今次媽咪返左黎5日，我可以同佢一齊食左3日飯﹗厲害﹗﹗
雖然遲左放工，不過七點返到去媽咪都等埋一齊食野﹗
又有靚湯飲^ ^
食完飯陪媽咪落樓下配藥﹗
因為呢排肥左，醫生叫媽咪配返d膽固醇藥食﹗
開始識得注重健康﹗媽咪抵錫﹗
我就幫媽咪配藥，媽咪就同佢個朋友傾計﹗
仲撞到Ceci﹗Ceci係德愛同學仔﹗
唔知點解我地傾既野好黃大仙﹗hahahahahahaha~~~~
其實都覺得幾得意﹗有好多同學都住附近﹗
耐唔時都會撞到﹗
感覺都幾得意﹗^ ^
細佬好叻呀﹗做左2年半無轉過工﹗由原本$5000，係好小好小﹗
但佢而家有1萬蚊一個月喇﹗^ ^
公司仲俾左2萬花紅佢﹗
因為我細佬真係好聽話﹗
記得佢一開始返呢份工既時候，佢都係一邊讀一邊做﹗
細佬真係大個唔洗人擔心lu~~~~
2008年1月3日 星期四
報package + HRM的第一課
未放工已經走出去密會Justin﹗
佢終於都無遲到，仲早到左黎接我放工﹗^ ^
So Happy~~~Really
峰哥幫我搵左個website，訂昌安假日好平﹗只係$488﹗
不過Justin話上網唔安全﹗又要用Credit Card
佢係香港唯一一個無Credit Card既人﹗
咁我咪話: “危險都係我jei…”
佢就話: “你要分得咁清楚我無辦法﹗”
其實我不知幾開心﹗佢而家咩都幫得諗埋﹗^ ^
仲要當我既即係你既﹗咁你既係咪我既先????
So happy to have u to take care of me.
報左油麻地船票(12號去14號返)+利澳酒店﹗
黠知佢話我地咁book可以當Package﹗咁就又平多30蚊﹗
最後俾左$1312﹗除開每個人$666 (點解我地次次報團d數字都係咁邪gei????)
之前去韓國 $5444
之後去左中旅book左珠海昌安假日$580
2間酒店都包左早餐﹗真係好﹗^ ^
我地格哂價﹗覺得好精明呀﹗
即係total $ 1892 都幾好呀﹗2個人wo~~~~
星期五再plan埋d行程就搞掂哂喇﹗
hahahhahaha~~~其實都係好快就出發﹗下個星期六﹗
我地實現緊一年去2次旅行﹗一次搭車一次搭飛機既目標﹗
上年去左poon yu，韓國﹗
今年去澳門，年尾去台灣/日本﹗
如果去日本我會更加努力儲更多錢﹗
(不過等表弟唔同你去先算啦仲要就假﹗仲有我份新工﹗有太多變數)
但有目標點都好過無﹗
大家一齊努力﹗
唔知呢每一次可以同Justin去旅行我心情都好興奮﹗
可能係因為可以幾日都24小時對住﹗
同埋plan個trip大家又多d話題﹗
真係可以增進大家既良好關係
食埋野之後佢就送我去金鐘返學﹗
2小時既堂有一部分時間都訓左﹗too bad﹗
阿Sir都幾Funny﹗
不過我想講我地今個月28號就present喇﹗頂﹗
不過玩完先算lu﹗
So Long air tim ^ ^
2008年1月2日 星期三
新一年2008新開始
玩到成3點幾﹗成個人都好支力﹗
一整日都懶洋洋﹗
訓、食、上網、食、訓、食、訓
晚飯係同媽咪、細佬打邊爐﹗
食左菜、幾粒丸、2塊肥牛、就飽lu~~~~
因為晏晝食左好多零食﹗
有之前叫Justin買既食一年都食唔哂既蝦條﹗
(食左十日，同細佬2個人食，食左一半啦﹗唔洗一個月應該食哂)
原本想去做Facial，不過響屋企舒舒服服既感覺真係搞到我唔願出去﹗
Justin仲勁玩到朝早9點先返屋企﹗
唔支力死就有鬼﹗
不過大家都開開心心咁就好喇﹗
2008年1月1日 星期二
2007的最後一天
首先要同大家講一聲新年快樂 ^ ^
希望新一年大家都可以有一個新開始﹗
身體健康﹗願望成真﹗(係呀﹗我係抄你ga )
講返07年既最後一日我係點過先﹗
其實31號都係要返工既﹗同埋係得10度係好凍﹗
不過放工有人黎湊就開心返哂啦﹗
(不過Justin係無返工先可以咁早出黎搵我﹗)
之後我地過左去尖咀，諗住book埋個去澳門同珠海既package﹗
不過原來唔可以照我地計劃去左珠海先﹗
咁我地唯有分開book la......好彩都唔係貴好多﹗
之後我地就去左食飯﹗
食左印度野﹗好味﹗
食完飯傾好哂package d 野﹗我地就諗住行一陣街之後先過去海旁睇煙花﹗
點知去完b+ab買左頸巾之後就咩路都封哂﹗
我地咪行過去跟人排lor﹗
我地停左響半島既門口，其實我地係有可能行到去海旁﹗
不過我地stay左響酒店門口因為有show睇﹗
同埋驚去唔到海旁響半路更加唔知點算好﹗
就係咁傾下計(其實都真係等左好耐﹗)
第左2個鐘就放煙花喇﹗
2008終於都黎啦﹗^ ^
漫天雪花
我真係好開心﹗我知Justin唔鍾意人多好迫既地方，但佢都陪我去睇煙花、倒數﹗
我真係好開心，有你陪我由07過渡08﹗
我相信你會陪我過091011121314151617181920212223242526272829直到.......
其實未到2008之前蘇菲call我同我講佢既horrible經歷﹗
佢黎左尖咀搵我可惜佢響我後面大概20米既地方﹗上唔到黎﹗
完左就搵埋佢一齊我地3個人由尖咀行去佐敦
Justin就去join佢d fd玩喇﹗
我就同蘇菲去左Tempo Street食炒hin、煲仔飯同蝦餅﹗
好開心，有你地2個陪我呀﹗
蘇菲希望係快d搵到你既真正幸福﹗
我向星星許左一個願望，希望會實現到啦﹗
Happy New Year
訂閱：
文章 (Atom)