從認識....到現在......

認識你應該由2005年8月既一個泰國之旅講起﹗

唔經唔覺原來已經5年喇，當日我同住Celia、你同住Eugene，各自各參加左去泰國既五天團~~

哈哈，我記得當時我地個團唔係一pair pair就係一家人﹗

得我地係2個女仔，你地係2個男仔﹗當時既你個樣仲係好細個

(講真果時覺得你都幾醜樣ga....我諗你都有同一諗法)

好快我地就同一對情侶仲有一個女仔熟左，果幾日我地7個一齊玩~~

哈哈﹗當日其實係我第一次去旅行，我好開心識到新朋友，好開心去到一個新地方﹗

好快5日之旅完結喇......

返左黎之後我地幾個都約過出黎一次，之後響你返去英國讀書之前我地2個人都單獨去過街~~

 

當日你俾左一個玻璃樽我，入面放左26朵你親手摺既玫瑰花﹗

你仲同我講，要等你返黎話我知呢26朵玫瑰既含意~~

(其實到而家你都無認真咁答過我係咩意思.....我唔會信你之前果d解釋ga.....)

你去左英國之後我地都有打電話、sms、email對方﹗

(不過其實我唔知道你響英國果邊到底係點﹗)

我地交換下對方既生活近況、學業、節日祝福......

 

Christmas同生日，你仲寄左禮物俾我﹗講真我真係好suprise~~

我最記得有一晚你同我講" I need You......"

 

果一刻我好開心，我知道自己原來已經鍾意左你lu~~

2006年年尾你終於都畢業返黎喇﹗

不過一切都好似重新開始咁，我地再由朋友慢慢認識~~

大家差唔多時間搵到工，你差唔多每一日都會打俾我......

我開始習慣左每一日同你傾電話，聽到你把聲﹗

朋友關係keep左差唔多半年﹗直到一次你主動叫我陪你去2日Poon Yu~~

果2日你好照顧我﹗

之後我地就一齊左喇﹗已經3年幾喇~~

呢3年幾我真係好開心﹗講真開頭果時我都好無信心......

因為你record唔好，好多人都叫我小心﹗

但我估唔到你越黎越愛錫我，重視我，緊張我.....

係咪我既真情打動左你呢!!!????

你帶我去韓國、日本、沙巴、台灣、菲律賓......

世界咁大，我地一定仲有排玩呀~~

我唔知道未來既日子係點﹗不過呢一刻既我覺得好幸福，好快樂﹗

我會好好珍惜屬於我地2個既美好時光~~

我真係好愛好愛你~~

 

我相信將來我地仍然會如此幸福﹗