Rose + 後記

成3-4日無見Justin喇，雖然佢講左d過分既野，不過佢星期五一早就響我公司樓下等我收工，落到樓果一下真係無諗過有個人會響後面攬住我﹗個心即刻冧哂﹗

不過我都仲係有d嬲嫁﹗同埋我會想講清楚件事﹗

佢帶左我去食一間意大利野 - ROSE﹗

點解門口d cake咁唔吸引ga~~

其實個心見到佢都開心，不過又唔開心，有好多野想同佢講，不過又唔想講﹗

個湯都ok好飲呀~~~

藍瓜煙肉湯﹗

不過個海鮮意大利飯就差左d~~好酸﹗

同埋唔鍾意佢d怪味魷魚，不過Justin就鍾意﹗

呢個又係一般﹗個Ribs太硬喇~~

不過我又幾鍾意個意粉汁﹗

我地食左2個Banana Chocolate Cake~~

唔係因為好好味，而係得好小款，有d味eg 薰衣草我係好唔鍾意既......

食完野，係時候講清楚喇......

我同佢講唔佢唔應該咁話我，Justin有同我say sorry話佢唔係咁既意思，佢知自己講錯左野，但唔識點補鍋，(獅子座點都唔肯認衰呀~~不過最後肯say sorry我都無野啦﹗)

佢話係覺得我同佢同埋朋友一齊幾人行時，態度好似唔同平時，幾人行時佢幫我俾左錢，我就會同d朋友無咩野咁走左去﹗佢其實心入面想我講聲"多謝老公"，我係覺得有時候3個人我唔想冷落朋友，我會同朋友傾多d，可能就咁老公感覺自己被人冷落﹗我話就算係咁都唔可以咁同我講﹗佢話一時口快快講錯左野﹗但講錯左返唔到轉頭，明知係咁就唔好亂講野啦﹗同埋知我嬲既唔該冧返我先啦﹗

佢話其實佢唔介意洗錢響我身度﹗咁算啦﹗佢都say左sorry，大家又講返清楚左﹗呢件事就算啦﹗下次唔準因為心情唔好就亂講野去傷害我呀﹗女朋友係要黎錫ga ma~~完